آكرّاز غل إيمازغن الوقث نالخير و آشمر في إيفاسن

 هوسيد آمنزوث  ويوسيد إنيذس الوقث نو كرّا ز ماني تكرن  إيمكرازن باش باش أطرنن شال نتمورا أنسن و أبذان آكرزن و آغرسن ماتّا أوغان سي  غمزين عن إيرذن و أسرسمن إيهمورا أنسن باش كل ويط أيزر الحد أنّس و يسيغاس ماتّا هوغا سيغ وامان

بصح آكراّز غل إيمازيغن غرس بوها نلعويد و تغاوسوين آغ سنعثن بلي أرياز اومازيغ يتحمل همورث أنّس و يتمتّا فو شال أنّس، ماني نتلاثا إيمكرازذ مقبل ما أسرسن ثايرسا غ شال أحكمن أحبوث نالرمّانو أبانيت فلاّس باش أثمنّان الخير و آربحن فو بوخ آمزوارو ننوّث ،و من بعد آبذان آكرزن  و آطيشن إيرذن غن إيمزين.
وذي الوقثاي ماني ايريازن تخدمن إي همورث تكرنت الخالاث باش أوجدنت آمكلي أنسن ولازم سي الغلّث نتمورث ماني تقنت أشخشوخ تو أغروم ني إرذن سالمرق أزقاغ و أدونت آغ ثغوي سلبصل باش أتسيغ إيوريازن القوّث و  من بعد ما يناصف واس أسرسنت الخالاث الماكلث عن أدوزنيت غهمورث نتّاث و سوامان أنّس .
و من بعد ما قيلن قرّيح آذكرن باش أكملن أكرّاز نتمورث ما ني أثعاونن ،و بكري ألاّن أوذان نبكري آغ كرزن سي غيال غن العوداث ،و لوق ماني الدونيث ذكبر و هطور ولاّنت  لمواشن نهنتي آكرزن ماني تزربن و آكملن بكري و تراجان آجنّا تبوخ باش همورث آتسيغ الخير أّنّس.