يغلب انتوات اسوتوران ادالين غال وورير امصبح اقن سمقرانان انتقراولة تمنغغت عبان رمضان ايتوغ غرس يغلب نالاتصالات يد توات اماس ندزير اولقبيل الاي انتوات غال وورير اناياسن انشاننوان اماس نغرمان اتنفعام الثورة الف انتتشال خيرما اتاليم غال وورير.
ستحونا اتوغانت دموشان نجروان ددوملاقة نمقرانان نالثورة اماس ندزير اناف تحنوت نسماوي الحاج اسماعيل بن محمد دايتماس تزكرا نترولار اتملاقان دس عبان رمضان يوسف بن خدة فرحات عباس .
تحنوت فيدسنت جلمامي عمر بن باحمد اتوغ دنشان انوجرو انوزال دفغولان . تحنوت فيدشارد بن عيسى نمحمد بن سليمان تزركرة روشيليواتوغ دنشان نجروان ددوملاقة نمقرانان نالثورة .دس اتوغ اتوطباع المجلة نالمجاهد. تحنوت فيداكس انبابه عدون الحاج سليمان تزكرة محمد الخامس جروان دس عبان رمضان يوسف بن خدة ادمناو اضضنين.
تحنوت فيد سز بابه عمي اسماعيل تزكرة انديكار اتوغ دنشان انوخدام نفغولان سوفوس نالمنظمة انياسف سعدي .اما تحنوت فيد سا عيسى محمد بن حمو تزكرة نذبيح شريف اتوغ دنشان نجراوان نمقرانان انتقراولة يجبى غفس ذبيح شريف . تحنوت فيدسا تني انتفاجيرة بلوزداد اماس ندزير اتوغ دنشان نوقمي انمحمد العربي بن مهيدي دنشان انوجرو انوزال دنشان نوداوى نموضان ادلمجاريح .
اماشي الان اجار 28 نالمراكز اضضنين اماس نتمنغغت قاع اتوغان خدمان ايالفايدة نالثورة ادوجرو نريال دالتاولات انلمعاش دسمورا دتكرداوين ادلسرار نمجاهدان