امزروي انغ التاريخ انوغلان ادقل غال سمس انللوف نسقسان قبل الميلاد العصر انوضغ انغ الحجري اموني دفر ابسون اتووفان تمو انوغلان انتيرى اضغ دبسون اسخدامان مدان تمدورتنسان انالكلال اتووفان دمناوت تمو انباب سعد دات ازجن ادبرقان دالضاية دسان دخ مناوت اتصاورير نالهوش انالفيل دتغالات نالمزرات دواران دفيس دالنعامة.
اماشي اوفين لجوايه المنيعة يغلب نالتاولات اتوغان مدان اسخدامان تمدورتنسان اسشنى بل تمويو اتوغنت دنشان انوعمار انيغلب نتواشولين اتوغ دنشان دخ نالخير انومان دتادوليت.
مناو نماسان اتومان اندهان احرش نالاثار برسان يغلب تمو انوغلان دتنري اسوفغند مناو لكتوب اسوالان دسن سومزروي انغ التاريخ انوغلان ايتوغ يعمردلان ستعشرين نمازغان زناتة الان الاصل نسان اجانا نفرقيا.
يغلب نماسان اورين فومزروي انوغلان امبصح سوبدى نغرمان الان اماروا اتان اغرمان اكبار اتوغان عمران انوغرم نتلازضيت تافلالت بوكياو دضضنين.
انسونجم بل الامبراطوريات استعمرنت دزير اولنجمنت ادوطانت غال تنري انالرومان دالوندال دالبيزنطيين دلتراك غير فرنسا اتنجم اتوط غال تنري اتوض غال ايولو تمو ندزير.