سمي ادعدا ايور انرمطان اقعزن غل جزايرين كامل بذونت لعوايل انلوراس امقران تمعراضنت وتحافظنت سعرضاي فعادث تقذيمت زيك زيك حلى لباس وثتقوى لرحام ماني احبانت لعوايل اذعرضنت لهل انسنت انيغ اعشيرن بشام اداسن غرسن ثدارث واظرزن اذسنت الصسام انواس كامل سيرتو اسقاس اقلا يوسد رمضان ذقيور يحما واطول.
زهانت لباس لعوايل بغير اذعرضنت لحباب انسنت ذلفاميلت ذي رمطان خاطر اتملاقنت اذسن وتاوينت لاجر وتمجمالنت وبتونت اعراض ذي السامنت ثامزواروث وتمزرابنت منتي ثا هذعرضنت اتوماس قبل وتقنت فلجال نعرضاي كل الخير خاطر انجيو غرس امكان ذامقران ذقولاون انسن ذقسان نسقاس كامل او مامك انيني فرمضان اقلا يور نالخير .
او لمايدة نوعراض لازم اتيلي ثبها مليح سي كل خير سيرتو لوماكل اقلا تشاخنت فتمورث انلوراس امشوربة سالبوراك والحميص واغروف انكفالو ولباس نتغاوسوين اقلا تحبانهنت ارقازن وحذسن والخلاث وحذسن والدريث امزيانن ثتموقاسن المايدة انس وحذسن اقنهنين بشام اذثعلم زيك زيك القيمة نصيام واذحبن يور انرمطان ونهنين ذي امزيانن.
اعرضاي يتاسد ذاموقي نراي اسيرث نالرسول الكريم اقلا يلى يتشجاع المسلمين بشام اذسفطر بعضاسن واذوين لاجر واكسن ثغاوسوين اقلا احلينتش طول سقولاون انس ام الكره انيغ الحقد وحتى قلي نالمشاكل اقلا صرانت ساع ساعة جار اوماثن انيغ اسعيفن انيغ الجيران وهامين.
وبغير اذدن المغرب اذزالن واذفطر ومن بعد اذثقهوان واذديسرن واذرقن الدريث ايذ نالوالدين انس اذزالن وبغير ادولان اذمرواحن وغلى نالعرض ذين اتاس العرضة ثيشت وهما ايسعقابن رمضان ذي لوراس.