طباعة هذه الصفحة

اوجذ نالعيذ امزيان ذي لوراس

أحافظ فالعداث ذالتقاليد وامعاون فالخير وامجمل نتخامين

باتنة: لموشي حمزة

سي زومنت لعوايل انلوراس امقران عشرين نوسان سي رمضان العظيم أبذونت توجاذنت إلعيذ أمزيان، أقلا غرس امكان ذا أمقران ذقولاون نجزايرين كامل خاطر يتاسد اغلى نرمضان ماني اترجان أا أقزومن سي ربي اسنقبل الصيام واسنغفر الذنوب انس وزهانت لباس سي العيذ اقلا يتاسد ذالفرصث بشام اذفرحن الدريث واذمسامحن اجزايرين جراثسن.

والانت قلي نتحضيراث تموقانت ذي ثدار وايط ذي برا سيرتو اسغاي نالقش ادريث وثغاوسوين نالقاطو، وسي اوجذ نالعيذ اسيق نالخلاث ثدار وأتقنت القاطواث، وقلي نلماعن اجديذن ولوماكل انزيك أمشخشوخ أقلا لازم أذيلي زنق المايداث ذي كل أقربي ذي لوراس ام باثنت انيغ خنشلة وحتى ام البواقي اذقالمة، إيذ نالقاطو نالكروكي أقلا أقرنتاس ثمغارين انزيك القاطو أنلستقلال، أمين إغننانت قلي أنلعوايل أقلا أوفينت العيذ نسقاس ذالفرصة بشام أذسعلمنت قلي ثهون نالوقثاي مما مك أذحافظنت فالعاداث ذالتقاليد انغ.
العيذ أسقاس هدياطو اميناط ذي الجو يحلى بشام اذقوان الدريث اذرقن واذرارن واذزهان ايس، وسلقش انس اجديذ واتروحان ايذ نالوالدين انس غنالفاميلت، خاطر اروحي جار لعوايل نتا اقتدجن العيذ يتزيظ،  ، خاطر كل العايلت ذي لوراس لازم اتلاقا العيذ سيروحان غنبعضاسنت بشام أذحافظن فالصلة نالرحم أقلا إوصى فلاس ربي ذالنبي.
واوجذ العيذ يتيلي ذقاس انيغ ذي اقيظ اغلى نالمغرب ماني ارزمنت ثحونا ذي باثنت كامل واتسوقانت لعوايل وادترواحنتش بغير لسحار، والشياي اوكل بشام ادعدا العيذ سالخير اذلهنا ذي ثمورث انغ .