يقضع غال اماروا 12 نسقسان فمساح اوتان تم انوغلان اسن نومزوار ناكتوبر 2008 اس نالعيد ابزان مان يوش امقران يوري بل اديلي دقن وس انتيقدي دغريتان دتماتانين.
دسقسان قضعان امبصح مدان زذغ الان اسونجمان وسان نتواغيت اموني سالحالة ايتشتم الانت ادسان نغزر نجمي نتغردايت مان الخراب يقم اماشي يلا امار الان اخدامان نوسقضع انومان اوشتمان مع وماس نغزر اتبونوض دسقسان اناف الدنت قاع دجدي دضغاغان دبردان ارزان تدار اقمنت امرارنت اسشنانت القوة انومان ادوسين تتشلت اقت اجند لخساير تزعلاك تنفوتين دويتلي.
المعدل انتجناو اوتنت المدة 20 ندقايق اوضنت غال 20 ملم اقضع المعدل نوسقس اقت الف ملم الثانية امان اولين اقت مراو نالمترات اسفسدان يغلب انترسين دغولاد دالنظام نوزوني انومان اماس نتجمي نتغردايت اداجار 24 الف انتدار ايدران نغزر داكس البلديات اداجار 11 الف انتزدايين دتداقين مع افساد
نتمورا نتكرزت.
الدولة دفر اتواغيت تسرس اقت اتشموست تاوض غال 40 مليار دينار اومساح انلثار نتواغيت انوبنى نوماروا ايدران نغزر انلمزاب مع مناو لمسارف اوقضاع انمدان ستم غال تم تضضت امار نسافان.
ادقم الخطر انومان زذغ يلا مان مدان اتان انضران الان بنان عمران اسالايند ايدران نغزر دموشان انومان الان دالخطر فتمدورتنسان دترونسان.