كاين إلي في طريق الحب هايم
كاين الي في بحرو ديما عايم
كاين الي راسو عامل كي لبهايم
لا ساس لا عرصة عندو لا ڨوايم
كاين الحر الي فاهم بالغمزة
وكاين البتي بالرزايم
سبحان من عطاني حكمة
ورثتها على شيوخ لعمايم
ما نشكي همي مهما نشقى
ما نرضى بالذل ولهزايم
ما نتبع عمري صحاب الرشقة
ما نمشي في طريق الندايم
ما نفشي سر ما نخون الصحبة
ما نكذب في قوالي عنو صايم
ما نبيع ما نشري في سوڨ النخسة
والحب في ڨلبي عهدو دايم.