اقـن سنعزمان نغـزر نوغلان

الشيخ حمو بن باحمد بابا وموسى اقن سنعزمان امقرانان نتغردايت دغزر نلمزاب ايلولد اسقس 1863م / 1280 ه اغرم نتغردايت يلمد سوفوس نالشيخ اطفيش ايتوغ دقن سنلمادان اعزمان دوحدي اتبي فساع يغس اعزام دوبراس العلوم نالشرع احضر يغلب المجالس نوعزام اتخلوط انعزمان امقرانان الوقتن سومن انجم ادفغ دقن سنعزمان نغزر نلمزاب.
الشيخ حمو يعزم دخ سوفس نالشيخ الحاج عمر بن يحي نوغرم نلقرارة يرني اعزامس دخ سوفس نالشيخ الحاج بابكر بن الحاج مسعود مان يتوغ اعزم العلوم نالنحو داللغة.
دفر مناو اسقسن نوعزام دولماد اسوتران سس اعزابان نوغرم نتغردايت باش ادطف انشان دالشيخ نتمجيدا نوجانا نتغردايت امصبح اولقبل المسؤولية مان اعزبان قضعان غال الشيخ اطفيش اودار فالشيخ حمو باش ادقبل انشان مان
الشيخ اطفيش الزم غفس ادقبل المسؤولية ايقبل انت اتغرات اموني اسقس 1909 م 1327 هجري.
اطف المسؤولية نتمجيدا نوجانا المدة 50 نسقسان انت اتواعاظ اسعزام انلمادن اتقابل لمور نتمجيدا دلحبوس ال ادتوسامى دالشيخ نغزر نلمزاب دفر تمتانت نالشيخ اطفيش. اسقس 1938 اسلفد اقن المعهد اغولاد نترست اماس نتغردايت افغند اسس يغلب ننعزمان اسسان الشيخ محمد بابا وموسى .سعد الله علواني بهون فخار عبد الله .بغباغة حمو اشقبقب.
يوري مناو لكتوب تمدورتس :  ترغيب الراهب وترهيب الراغب-  دس300 نلوراقي- تكيردة  نمشاهد الصالحين بوادي ميزاب- الرحلة السَّـنِـية المقتـفية للأحكام القرآنية والسُّـنِّية- سيرة العزَّابة- ترتيب الفرائد - مؤلَّف في علم الفلك.
وني دقن سيغلب ندباب نوعزام اسبلان تمدورتنسان اوعزام دولماد لمور نالدين دون اديوزن يوش امقران غال مدنس سومني الدين زدغ يلا اقم يوت ازورانس دتمورت نغزر نلمزاب غال اماروا .
يرزم تدارتس اغولاد نترست اماس نتغردايت امدان بالخصوص تسادنان اموني اوسستان فلمور نالدين دلمور نالدنت ال تياوي يوش امقران غال الرحمتس دفر اقن وزمار دبازن اسن 02 جانفي 1957 انسوتر سيوش امقران اترحم يرحم قاع تروى نمسلمان.