ورعان سكان انلوراس امقران سيرتو ذي باثنت، اذخنشلةن اذام الباقي، سراقند لفراح أنس سالفرق نالرحابة أقلا تغنانت فتراث انلجداد وخدمنت سالباروذ مانين تسلين الفرق بشام أذفرق لفراح فلعباذ، وحترنت ذي لعراس أذلوفال يحلان كامل، نوفا شياي أسناط ذي ناو سماني إقفرق الوالي أنباثنت لمفاثح نسكناث نالسوسيال فلعباذ اقلا ربحنهنت، وبشام أذعبر السكان فلفرحث انسن، أويذ لفرقث نالرحابة ننقاوس ذيس إرقازن تشاثن أبندير وتقن الزرنا وتغنان وسنت نلخلاث رقصنت الرقص انزيك أقلا يتوعاد الروح، ونوفا يوذان اوكل تفوريجن وفرحن مليح سالإستعراضاي أقلا يموق ويعا لعباذ نتراث نالاجداد إميزورا، ماني إثلا النيث والخير أذلهنا وإمعشار تمجمالن فالخير وذي لفراح وتمعوانن.
وأو ثوشا لفرقث نرحابة ننقاوس إلوالي انباثنت ذالضيوف أقلا اوسيند إيذس لمثال يحلى لباس فتمورث انلوراس ماني إتغننا لغنا انزيك أقلا بحكا فلخير وفتضحياث نمزورا وفلقيم نجزايريين أمكرمن ولحنانة وأمعاون ولباس نتغاوسيون ثربان فلاسنت، وسرقنتيد ثشطاحين أقلا رفذنت يا اقتفوريجن وأوينهنت نالتاريخ ننقاوس انزيك سيرتو ماني إقلا أوبندير يقور إيذ نرقاص انسنت، الشياي يدجا الوالي أنباثنت يطلب سيسنت بشام أدعاوذن لغنا ذالشطيح، وينا إلفرقا أسسنعثن مامك أذيوث الباروذ، خاطر ينباهر مليح سيسن.
الرحابة ذي لوراس ثتعبار فالاحلام نالسكان ولهموم أنسن وثلا حتى ذي الثورث ذمرسول يحلان جار المجاهدين، وألان اتغنان فالثورث وتقن الحماسة ذقلوان نالمجاهدين بشم أتقاذن وأذحاربن فرنسا خاطر الشعب الجزايري كامل يقور أغلان سن.