ابراهيم بحاز دقن سسلمادان امقرانان ندزير دغزر انوغلان ايلولد اسقس 1956 اغرم نتغردايت ايوي البكالوريا تمزورت جوان اسقس 1977 اغرم نقسنطينة يرني اوي الشهادة نلاليسانس الجامعة نقسنطينة اسقس 1980
يرني اعزامس الجامعة نبغداد مان اوي الماستير اسقس 1984 امزروي انغ التاريخ الاسلامي ال الماستير يرني ابراس ادوعزام ال ديوي دكتورة دولة الجامعة نقسنطينة اسقس 1997.
يقم الجامعة نقسنطينة اسعزام انداه اطف مناو اموشان الجامعة جار اسقس 1984د 2007 . بعد ومني يرني انداهس الجامعة انوغلان دقن سالاعضاء نوسقم نالعلمي الجامعة نتغردايت ال اسقس 2008.
اسعزام مناو ت المواد انلمادن الجامعة يجبى فيغلب المحاضرات ينعر دمناو ادوملاقة دجروان اعنان التاريخ الاسلامي تمورت ندزير ادوزغار.
اماشي يوري االف يغلب انلكتوب الان دالمراجع نللوف ننلمادان نالجامعات ندزير لكتاب الان دمزوار دين الدولة الرستمية دس سنت المطبوعات تمزورت اسقس 1985 فيدسنت اسقس 1993م.غرس دخ لكتاب نونعزام عبد الرحمن بن رستم. معجم اعلام الاباضية اكس نالمجلدات سونعار نباباعمي محمد مصطفى باجو مصطفى شريفي يفغد اسقس 1990 لقرارة النشر تدشلا نالتراث.
اسوفغد مناو لكتوب فتموسني تمورا نالمغرب امقران
مع مناو لكتوب دخ فالتاريخ نتمورا نالمغرب امقران دالدويلات اتوغنت حكمنت جار دزير دالماروك دتونس اماشي احقق مناو لكتوب دكبار انالمخطوطات فالتاريخ نالاباضية دالرستميين تيارت.
اماشي ينعر ترى نيغلب المقالات الجرائد دالمجلات فالتاريخ اكبور دالتاريخ نمناو انعزمان ددباب نالعلم دمقرانان نمناوت الدول غرس فوس دخ اوجد نمناو لكتوب انوعزام ننلمادان.