طباعة هذه الصفحة

اتراينت زدفر نلفطور قطانت وآذسغنت القش ندريث

العوايل انلوراس أمقران اتوجذنت إيي لعيذ امزيان ذقسان انقورا انرمضان

باتنة: لموشي حمزة

بذانت لعوايل انلوراس امقران سبذونت عشر يام ثنقورا انرمطان عدانديت اوجذ انس العيذ امزيان اقلا يتواسن سلاباس نلعاداث والتقاليد ذي ثمورث انلوراس امقران، و تراينت اغلى نالتراويح أتروحانت ذي ثحونا ذالفيترناث بشام أذسغنت إي غاوسيوين إهنتخوسن ماني إتوجاذنت إلعيذ امزيان، او ولان إبريذن انباثنت اتشورن سأوذان و سلخوصوص الخالاث أقلانت أتراينت إنيذ نالدريث انسنت باش أسنسغن القش نالعيذ واذرنينت أذسغنت ثغاوسوين نالحلوى.
إحوانتين أقنهنين بدلن الديكور نتحونا انسن او ولان أسراقند ثغاوسوين انس برا بشام اذتواهنانت ، اونان لباس نالتجار إلجرنال نـ»الشعب» بلي العيذ ذالفرصة بشام أسيذفن لباس نالصوارد واذخذمن في غماننسن، ونهنين غرسن لباس اتوجاذن إعشريام إنقورا أنرمطان ، ماني إدوين القش ذأجديد ألحزنسن أسرقنتيد، اويرن قين «الصولد» إلباس نتغاوسوينن خاطر ازرين بلي العوايل أنباثنت أذلواس كامل اتحبان الصولد، اوثاني أذتقاوانش اذسغن القش نالعيذ إدريث وأذرنين أسنسغن القش نالدخول المدرسي خاطر كلشي يغلاي، أو آم العادث نيور انرمطان غتت لباس نالصوارد.
ثغاوس ثيشت ثاني العوايل انلوراس لازم اتقن ذالعيذ نتاث أذسغن قلي انلوماعن ذي إجديذث واذرنين صغاوسوين انتدارث أمردواث أذلفرشاي ذي الجديذن خاطر لباس نالغاشي ادتاسن غرسن ذالعذ امزيانن ماني اتمروحان كامل غنبعضاسن.
وثاني أبذونت العوايل اتقنت الميناج إذدار انسن بشام بغير ادخلذ العيذ اذتغليبنتش الخالاث خاطر ديما الشغل يقورد غرسنت عكس إرقازن أقلا أذلتانش طول ستغاوسويناي.
الجرنال نـ»الشعب» يرقا أسناط نزلق قلي ذي إبريذن ماني نوفا الغاشي كامل يلتا سوجذ نالعيذ ، امين إغنتنا الحاجة «نونة» بلي نتاث ثتراق إذانتسليث انس أتاروا انمميس بشام أسنتسغ القش، او يعجباس الحال لباس سيرتو ماني إقلا لهنا أمين إغنتقا خاطر لابوليس ألان أوحد أتمقرا فوماس.
والفايدة ديما اشاوين طلبن سي ربي العالمين ادعدا العيذ سالخير اذلهنا واديوش ربي الرحمث انس إثمورث انغ واتحفظ سي كل ثغاوس اثحليش.