طباعة هذه الصفحة

تغاوسوين نلقرايث سسومث احلانت لباس ذي باثنت

باتنة: لموشي حمزة

بذانت لعوايل انلوراس اقران اوجاذنت إلمناسباث اقلا قورنتيد ونهتين ثاوليث ن قداشن غنلقراي والعيذ اقمران اقلا لازم ادتواسغ ايخفنس، ووالفنت لعوايل اباثنت العوايل نجزايرين كامل ذي لعواماي انقورا اطاو نالعيذ امقران ايذ نتوليذ انلقراي خاطر هنعيذ سيومين ومن بعد اذولان اقداشن غنتمدرسوين.

لسواق نالقش ذالادوات بذون توجاذن اماننسن سيرتو المكاتب اقلا بذونت تاوينتيد اكراسن ذاكرطابلن، ذالطابلياث وكل ما يلزم بشام بغير ادسن اقداشن اذافن كلشيء يوجذ ويحلا وذاجديذ ولان حتى يطنين  اقلا اذخدمنش سيرتو اقداشن نالجامعة اقلا اذتولانش غنلقرايث زيك كرين القرجاث وتقن ذيسن لمكتباث نالأدوات اسان نتوليث نقداشن برك وزنوزان سسوماث احلانت بشام اداسن غرسن لباس نقداشن اذسغن الادوات.
لعوايل ايط أقرنانغ بلي نهنين اذقويمنش بشام ادسغن الادوات ذجديدن ادريث انس خاطر الحال يغلاي لباس سيرتو امتمقلامين ذكرطابل وحتى لكتباث خاطر اويند اسقاس كامل نهنين اتوصان الدريث انسن بشام اذحافظن فلاسن سيرتو وا اقلا غرسن اكثر نتلاثة نقداشن مامك اسنق يقرانغ عمي محمد اقلا غرس يلس انمميس وبباس اذخدمش ونتا اسساغن الادوات بلي الحال يغلاي خاطر هدياطو ايذ نالعيذ امقران واقلا لازماس ايخف نالعيذ والقاطو ولباس نالمصروف.
الشياي كامل فالادوات ماشي فالقش اقلا تقريب لعوايل امفاهمت بلي القش نالعيذ امزيان نتا اقلا هذولان ذس اقداشن انس سيرتو الحال يحما اسقاس والعيذ يوطيد ذي الصيف اسان انقورا نيون جوان وثاوليث ذي سبتمبر يعني حتى ايا اقلا اسيغن القش نالصيف هذقوان الدريث انسن اثرطن، ولانت لعوايل اقلا غرسنت ذقفاسن انسنت وتقاوانت فالمصاريف نوفيهنت توالانت فتحونا نالقش اساغنت ادريث انس سيرتو ايا اقلا هذعدان اسقاس ذمدرسوين اول مرة انيغ اوناسن النجاح نالسيزيام انيغ انلهلية.