تفكارنت ذي سيرث نالرسول
تدشلا نابي اسحاق نالتراث
محمد الحاج سعيد لخبورات اقن سودموان انتدشلا نابي اسحاق نالتراث اغرم نتغردايت اتوسان سمقرانان اندهان احرش نالتراث ادوبراس امزروي نات اغرسان دايولو ابسون اقنان اسوغلان دتمدورتس .
تدشلا نابي اسحاق الان فتبجناس محمد امناسان نجمان باش ادجروان يغلب انلكتوب دكبار اسوماس انتدار درفوف عاودناسان سقت التقنية اوحافظ غفسان.
المركز انتدشلا نابي اسحاق يوسد اعركوب اجانا نوغرم نتغردايت دس للوف انلكتوب دالوثائق دالمخطوطات ايالفايدة نمكارس دنلمادان دايولوا وس غرس اقن وبراس فومزروي نات اغرسان دايولو احرشان.
تدشلايو غرس العلاقات مع يغلب انتدشلوين ادزير ادوزغار اسويس اقاي نالتراث نات اغرسان ادوحفاظس سايولو تمو ندزير ادوزغار مع امعاوان يد تدشلوين نالتراث الانت قاع تمو دومبدال نالخبرة بالخصوص احافظ غفس سوسخدم نالتقنيات تجددين احرش نوحافظ فالارشيف اكبور .
لخبورات دماناسان الان بدان فتدشلايوا سافران تقريب غال يغلب نتمورا نالدنت اوربا اسيا افريقيا اوبراس فالتراث نالاباضية حضران ديغلب ندملاقة دجروان ادزير ادوزغار.
تدشلا نابي اسحاق غرس دسقسان انتها اتنده احرش اتنجمباش اتسمنع للوف نالمخطوطات تسوفغد اقن التراث غال تيفاوت ايالفايدة ننلمادان دسلمدان ندزير ادوزغار.