باب نالنظام نعزابان اغزر انلمزاب.

تغردايت: الشيخ باعلي واعمر

 

 امزوار ادسلفان الدستور اجديد اماس نالمجتمع نمسلمان غرس اجار نالف نسقسن دين محمد بن عبد الله الفرسطائي  ايلولد 345 هجري اوريرنفوسة ليبيا .

وني اسرس السيسان نقن النظام اقارناس اعزبان اتوبنى فوحافظ فالدين دالشريعة دالتربية دوسعزم دوقابل نتمدورت انمدان اسرس مناوت الهيئات ا ش اقت غرس الدورس اماس نتمدورت نوغرم.
الفرسطائي ايلولد اورير انفوسة دني يبدى اعزامس اسني يقضع ابراس فسلمدان دالعلماء جار القيروان ادجربة ادمناو اموشان اعزام الماد العلوم نالدين انالشريعة دالفقه دالاصول دالتاريخ.
يتوغ اتنض يغلب جار واد ريغ دغزر انلمزاب اجربة مان يبدى اسرس السيسان نالنظام الان يدجور غال اماروا تقريب الف نسقسن يعني القرن فيداكس الهجري.
النظام اسشن الفعاليتس دالقوتس انجم ادعمر غال اماروا سوفوس انتاوت الهيئات انوسقم نعزبان امصوردى اروان قاع سبلان تمدورتنسان اوخدام انمدام دالمجتمع اربي دالدين.
وني دقن سنعزمان امقرنان ادتشران تنري غرسان فوس اسوض نتغرم دوعزام غال الاجيال اطفان دس غال امارو مان  يغلب نتدشلوين اندهنت احرش نالتراث عاودنت اطباع نلكتوب اكبار سقت الطبعة تجددت باش انلمادن نماروا ادنجمان ادبين العلوم دالمعرفة ادجين امزوارانالكتاب اسقارن القسمة وأصول الأرضين نابو العباس أحمد بن محمد الفرسطائي.
 وني ممس نعميس نابو بكر عبد الله محمد بن البكري الفرسطائي ايسرس النظام نعزابان دتم نغزر نوغلان بعد اديوس ستم نغزر نريغ لجوايه نتماسين جار توقرت دوادي سوف . وني ينشر المذهب الاباضي تم نوغلان بعد اتوغان مدان تبعان المذهب نالمعتزلة .
يور ادناس ادقضع فتماتانت انمحد عبد الله الف نسقسان يلزم فمقرانان ادوس يلا اسدسات ادسدر تفاسكايوا سوسوض دوسلماد نتمدورت نومقرانواغال مدان بالخصوص امزنان لان يغلب اسسان اولتسينان الفرسطاني دالنظام نعزبان .

 

 

رأيك في الموضوع

أرشيف النسخة الورقية

العدد18076

العدد18076

الجمعة 18 أكتوير 2019
العدد18075

العدد18075

الأربعاء 16 أكتوير 2019
العدد18074

العدد18074

الثلاثاء 15 أكتوير 2019
العدد18073

العدد18073

الإثنين 14 أكتوير 2019