احــــوباس انوغـــلان

تغردايت الشيخ :باعلي واعمر

دفر ادمساحان اوتان اغلان اسقس اقضعان توسرس اقت تشموست ندرمان اوسلي انمناو نحوباس دجددان اوطوف انومان دوسمنكز نالقوتنسان دالخطر نسافان افمدان ادمناوت البلديات نغزر انوغلان سوبدى نتجموين نتغردايت ال  تجننت.
سحوباس ازعلاك اتوسلين اسقسنو امدجورا احباس انواد لبيض ادوحباس انلعذيرة اتطفان تقريب اجار 50 مليون متر مكعب انومان نسافان.
اماشي الان مناو احوباس اضضنين اغرسان دلان ستوبنان اسونسان دين اطوف انومان ايالفايدة انترسين الانت اماس نتجموين اوسى انمدان دوسسوي انلغوابي مع ابوي اجدي دتغوري ادس اقت الفايدة ايتزعلك اتداقين دتزدايين.
  يلا احباس نات ازجان الان دقن يحوباس اكبار الان زذغ اطف امانس يوسد اغزرننتيسى ادتا س ستم تغربيت اسوس دسن اطوف انومانا وشاري انترسين مع اطوف نتغوري ادتاوي سوف دس اقت الفايدة ايتزعلك اتداقين ادونكال مان اش دفر اقت الحملة اخماسان اتشمران اتغوري سوماس نغزر غال وماس نتجموين.
سحوباس دخ ازعلاك احباس انتجننت الان دمزوار اغلان اتوبنى اماس نغزر انلمزاب اتومرارة  مساح نوسقس 2008 .احباس انلقرارة دخ ادون ادبريان اتشمران اقت النسبة ايتزعلك انومان متوسو اقت الحملة.
اماشي الان مناو احوباس اضضنين دبزنان انون  انبوشان ادوحباس نتوزوز اغرم نتغردايت دقن سحوباس ازعلاك الان اتشمران اقت النسبة تزعلوكت انومان مشوران مان مدان اولتسنان ترمزي المدة انسا نسقسان .اناف دخ احوباس اغرم نات ينور اوطوف انومان نغزر انوزويل اتوطان سوران دترجوين.

 

رأيك في الموضوع

أرشيف النسخة الورقية

العدد 17926

العدد 17926

الأربعاء 17 أفريل 2019
العدد 17925

العدد 17925

الثلاثاء 16 أفريل 2019
العدد 17924

العدد 17924

الإثنين 15 أفريل 2019
العدد 17923

العدد 17923

الأحد 14 أفريل 2019