اتفسك نالزيارة اغلان

تغردايت: الشيخ باعلي واعمر

اش اسقس يور انتفسوت تفغان مدان نغزر انلمزاب اوساحي دوزري نموشان اغرسان انشان امزوري نات اغرسان اسوتوران دس يوش امقران ادسوط الرحمتس  ادسزعام اسقس اجديد اغلان سالخير ادلهناء.

الزيارة توسدج دقاع اغرمان مان اتبدى دفر اتزاليت نلفجر مان اتملاقان مدان ازغار نوغرم اسوجبى نعزابان ديروان دمصوردى ادبدان اساحي سوسبح بسم الله بالله يا رحمان يا رحيم ارحمنا ...قضعان غال اموشان ايتونضلان دس لولياء نيوش امقران مان اتزونان دس انفاش عزمان القران امبعد ادوشان  اسمصوردى امزوري انغ التاريخ دالسيرة نمزوار  داماشي اتوغان تدران اطفان دالديننسان.
الزيارة اتقدى مع ويدلسيت مان جروان قاع مدان فمارا اوزوني دوصودف ننفاش انتيني دوغي اتودج امزنان الان اولحضران الزيارة. دفر اتزاليت انتكزين اتودجى الختمة نالقران تمجيدا انغ المقبرة اموني سوزوني ننفاش اتقدى  ستوتروين دسبح دعظم نيوش امقران.
الزيارة اتودجى تفسوت الان ديور انوبدى نوشاشي انتداقين دالغلة مان مدان اسوتوران يوش امقران باش ادحفظ الغلتنسان سطانان امغر بكري اتوغان تدران غير ستكرزت ادون اتكلي تمورت لا ش اشرى خلاف تمدورتنسان.

 

رأيك في الموضوع

أرشيف النسخة الورقية

العدد 17955

العدد 17955

الأربعاء 22 ماي 2019
العدد 17954

العدد 17954

الثلاثاء 21 ماي 2019
العدد 17953

العدد 17953

الإثنين 20 ماي 2019
العدد 17951

العدد 17951

الأحد 19 ماي 2019