زهانت ايس وتقنتاس الفال ذامقران

العيذ انتفسوث ذي ثمورث انلوراس امقران بشام اذقيم ذقولاون نلعباذ نميرا

باتنة: حمزة لموشي

ازهانت اسوناي اقعدان لعوايل انلوراس امقران سوعدي نيو نتفسوث اقلا يتاسد اغلا نيوز نالمشتا اقلا ثوسد اسقاس ثصمت مليح ويوثا ذيس الخير ذامقران نلمطر ذةذفل، وسمثلا ثمورث نشاوين يخس ذي باثنت انيغ ذي خنشلة انيغ ذي ام لبواقي ونهنين اتقن لوفال ذمقرانن سوزهاي نتفسوث.

ماني اتافنت ذيس الخلاث الفرصث بشام اذسدرنت لباس نتغاوسوين اقلا اخسنت اذمثنت ذقلاون ندريث انسنت سموقي نالتطور اقلا ثتعاشيث الجزاير ام الدول نتمورث اوكل.
وثوالف ثماورث انمنعة كل اسقاس نتاث اقلا ثتوعاد اغغرس اشاوين كامل بشام اسنتق الفال نتفسوث سصوارد نلماليث انس اقلا نتمعاونن واذجمل قلي نصوارد بشام اذسدرن المناسبياي، ماني اتقنت الخلاث لماكلث نشخشوخ سوغروم ويتموقا المرقن انس يحلا ويزيت وازوغ وتسفانتيد الغواشي ذي المثرد ذأمقران ستملالين اذلبص واذتش يوذان بغير اذروان واذكر بشام اذروح القريث واذفروجن فيراي نتكورث اقلا ثسعداي ذقولاون انس لباس نالفرحث ذالخير.
واغلا نشياي توجانت الخلاث ثوظفيست انيغ البراج اقلا تيلين ذالميزث نعدي نتفسوث ذي لوراس، والان حتى ايا اقلا تقن لوفال طول سوبندير واتغنان مليح خاطر الشياي كامل بشام اذبين بلي نهنين ازهان سوعدي نتفسوث سيرتو ماي لا يرزق ربي ذي المشتا ثمورا سلمطر ذواذفل بشام اذيلي اسقاس يحلا واذعرم الخير.
والانت لعوايل اقلا تحبانت اذاهرنت ادريث انسنت ذي ثفسوث بشام اذراحن زيك زيك انيغ اذقن لعراس خاطر لعوايل كامل اتيلنت ذي العوطلت وتمجمالنت، وسقراينت الدريث انس بلي العادثاي نتفسوث لازم اتقيم ذو اقولاون انس امك اوخرن فتمورث انس انيغ بعذن فلاس سيرتو ايا اقلا ثويهن لخذمت برا نتمورث انلوراس.

 

رأيك في الموضوع

أرشيف النسخة الورقية

العدد18153

العدد18153

السبت 18 جانفي 2020
العدد18152

العدد18152

الجمعة 17 جانفي 2020
العدد18151

العدد18151

الأربعاء 15 جانفي 2020
العدد18150

العدد18150

الثلاثاء 14 جانفي 2020