إعدا سالخير ذالفرح اذلهنا

لباس نلعوايد ورعان تحافاظنت فلاسنت لعوايل انلوراس ذي العيذ أمزيان

باتنة: لموشي حمزة

أم كل أسقاس ورعان لباس نالعاداث ذالتقاليد أقلا اورثنتهنت لعوايل انلوراس امقران فلجدود انسنت ادرنت وتبدانت ذقوذم الوقثاي اقلا ثنغيذ التكنولوجيا والحالت اقلا ثطور مليح سلنترنيت بصح لجيال نميرا كل العيذ اتعاش يخس ذمقرانن انيغ ذمزيانن نلعوايذاي انزيك وفرحن اسنت.
ويتساد الحني ذقفاسن أس نالعيذ نتا اقسبهاين الحالت ويتبيان بلي العايلت ذين ثزها سالعيذ ماني اقتموقا أسان انقومرا نرمضان وساغنتيد لعوايل الحنين الورق سنتحونا اقلا ازنوزانت لعقاقر ولازم اذيلي ذاجديذ ومن بعد اثرحانت مليح واسخلطنت قلي نومان والانا يا اقلا اتافنت ذالفرصة بشام اذدوان سيرتو اضارن واخفاون انسن واسرنين قلي نلعقاقر اقلا احلان المرضاي وايط اتقنت فلجال نالعيذ ومن بعد اذموق ذيقفاسنت واذنسن ايس وبغير اذيصبح الحال اثكسنت واديرق ازوغ مليح ويسبهاي افاسن.
ثغاوسا ثيشت اقلا لازم اتيلي ذي العيذ امزيان غنشاوين نتاث اموقي نشخشوخ وابربوش اسان امزورا نالعيذ امين اخسن لعوايل واذتواطبخ مليح سالخوضر اذكسوم واكترنت سيس خاطر لباس انلعباذ اقلا هسنكثب واذتش سيس ويتوزيان ستملالين ذالفلفل الطرشي ولباس اقلا اذتقاومنش واثتش ذي لباس نتدار اقلا تعدانهنت.
ومن بعد اتراقنت لعوايل فتعشويث واتروحانت غالفاميلت ذالهل انسنت ماني اتراقن ارقازن زيك تصبحين نهنين ذالدريث انس اغلا نتزاليت نالعيذ ونهنتين اتحبانت ثاعشوين ولازم اتقيم ثيشت ذي ثدارث خاطر قاونت اداسن غرسن الضياف.
لعوايداي ورعان الانت واقوانت ذي ثمورث نشاوين خاطر العيذ امزيان غرس امكان ذامقران ذقولاون انسن.
فلجال نشياي اسعقبنت أوسان إمزورا نالعيذ سالخير ألذلهنا ذالولايث انباثنت،ماني إوجذنت العوايل انلوراس أمقران إلعيذ سالسمانت قبل سيرتو القش نالدريث إمزيانن أو ثغاوسوين نالقاطو.

 

رأيك في الموضوع

أرشيف النسخة الورقية

العدد 17977

العدد 17977

الأربعاء 19 جوان 2019
العدد 17976

العدد 17976

الثلاثاء 18 جوان 2019
العدد 17975

العدد 17975

الإثنين 17 جوان 2019
العدد 17974

العدد 17974

الأحد 16 جوان 2019