لحرفث نفاقن ورعان ثدر

لعوايل انلوراس امقران احافظنت فموقي نغروم ذي اقفاقن نوشال

باتنة: حمزة لموشي

ورعاذ ذي الولاياث أنلوراس أمقران لباس نتحونا أقلا ازنزان افاقن سيرتو ذي الصيف ماني اخدمن شيسن لباس خاطر تاسد يوذان رزفن غنلوماليث انسن سي الخارج انيغ سي اموكان ذي دزاير بعذن وتحبان اذسغن افاقن انلوراس واهناوين ايذس ام لفريك خاطر تحواجنهن ذي المشتا بشام اذقن اغروم انيغ الشوربة والشياي يتيلي محسوب غير ذثمورا انلوراس ام باثنت انيغ خنشلة انيغ ام البواقي وحتى قالمة.

ثتواسن الولاياث انباثنت ذي لوراس سموقي نالخلاث انيغ ذي ارقازن اقفاقن وزنوزان ذيس ايثحونا وتحفاظن لباس فالحرفث انلجدود انزيك، خاطر اشاوين احبان اغروم نوفان سيرتو ذي المشتا انيغ ذي رمضان، ويتيلي فان امين اثسنن اجزايرين كامل تادوريث تامقران ويتموقا سوشال وغرس ثرفاذين  اتورفاذ ايسنت حتى بغير اذيلي يحما سي العافين اغلا نتنانيت نوغروم يخس انقارو انيغ انكفالو.
وبشام اديرق اوفان يحلا لازم فباب انس اقلا هثخذم  سوشال يحلان واثخير سي ثمورث  اقلا شال انس ذابركان او ذتيليش ذيس طول الملح خاطر شال اقلا اذحليش يتراقد فان انس اخوص ويتوشقاق واذيرز ليه ليه اذتطفش طول سيرتو بغير اتيلي العافيث ثحما وثقوا لباس واذرنين اذسرسن زنقس اغروم لباس،  ومن بعد اذتواخذم مليح سالعقل واموق قلي اذيقار ومن بعد زنق العافيث بشام اذتواطف اشال انس مليح.
ومن بعد امين اغنحكان امغارن انيزك يلزم بغير اذتواخذم افان اذتواعجن اشال انس مليح واذتنقاسنت سقمان بام اذتلوليش ومن بعد اذنفيا واذتقوانتش اذجملت سيرتو الخلاث اقلا اسنت مليح مامك اخدمن افاقن ومن بعد ثغاوسا ثمزوراورث اسقنت الصحن اندي اقلا يتروسا زنقس اغروم  ومن بعد اسموقنت لجوانب انس تدورين ومن بعد ثرفاذين انس واغلى نلخذمتاي اتاس لخذمت نسرطب نفان سومان وسلعقل وخدمنت ستسقرا ن نالفكرون ماني اثتموقا ذقمان ومن بعد اتسوعقب ففان  بشا اذيرطب افان ذين.

 

رأيك في الموضوع

أرشيف النسخة الورقية

العدد 18051

العدد 18051

الأربعاء 18 سبتمبر 2019
العدد 18050

العدد 18050

الثلاثاء 17 سبتمبر 2019
العدد 18049

العدد 18049

الإثنين 16 سبتمبر 2019
العدد 18048

العدد 18048

الأحد 15 سبتمبر 2019