اوزان احمو ولحاج

تغردايت: الشيخ باعلي واعمر

 

اوزان احمو ولحاج دقت العادة غرس دلان تلا زذغ تدجوراغلان بالخصوص اغرم نتغردايت الان اطفا ن دس مدان غال اماروا،بكري تضرى اقت  ترمزي ايتزعلك اغلان تقم دسقسان تجناو ادروس تجموين اقورنت  تداقين اموتنت يوش امقران اولديوي اقت الرحمة مان مدان اتوضورتان يغلب سالقلت انومان الان دالساس نتمدورت انمدان بالخصوص اغلان.
مدان نختني قضعان غال الشيخ حمو ولحاج اتشتكان فتواغيت دتوعري نالحال اوشمراس ادس اوف نقت تضف شمرسان فمارا فلسباب الان يج يوش امقران ادطف تجناو فوغلان.
 اقدى امفهامان يد الشيخ حمو ولحاج  ادولان غال يوش امقران ادزالان شمران توتروين  باش ادسوط الرحمتس اشمر غفسان لبلاء.
يلا وس اسوتر قبل اتزاليت يلزم فقاع مدان ادصافان اولاوان دومسماح مع ورى نالمظالم اش حد غرس اشرى اقت تمشروست يد يواس لازم ادمعالت ادصافا يرو ايتلي ايدبابس.
بعد مناو وسان نوبدي دوبشي اتشران مدان ازولان شمران توتروين غال يوش امقران الاجابة توسد فيساع اوتنت تجناو اجوران اسافان اشوران احوباس مدان افغان حمدان يوش امقران سالنعمة انومان اقارن غال اماروا  بسم الله هويا الله هو الرحمان ارحمويا الله هو ارحمنا اداديك حمو ولحاج اياها اياها اشا الوقتو انملاقة دا.
ازلوان  زذغ الان اقمند اغلان بالخصوص تغردايت اتوعاودان كل ما اتبدى تجنيوت تشات اتسلاد امزانان اغولاد ادزلونان اسوترون يوش امقران اديوي اقت الرحمة.
العادة نومودي نيوزان نحمو ولحاج زذغ تلا تدجور غال اماروا مان مدان جروان المحضرتس اش اسقس اخف نالغابة نتغردايت اتمودان دس اماناس نيوزان قاع مدان اتاوين تونتنسان مع ويدلسيت اقدى اسوتوران يوش امقران ادسوط الرحمتس فمدان انوغلان.

 

رأيك في الموضوع

أرشيف النسخة الورقية

العدد 18001

العدد 18001

الخميس 18 جويلية 2019
العدد 18000

العدد 18000

الثلاثاء 16 جويلية 2019
العدد 17999

العدد 17999

الإثنين 15 جويلية 2019
العدد 17998

العدد 17998

الأحد 14 جويلية 2019