تيللــــــــــي ندزايـــــــــــر

تغردايت: الشيخ باعلي واعمر

 

تمنوننت ندزير اولتوسي امني ضحان غفس لمليان نجزائريان سايولوا تمو الظهرة  تنري تم تقبليت تم تشرقيت  اموني سيوتاف نفرنسا تمورت ندزير اسقس 1830 اتقيم المدة تقضع 100 نسقسان.
المدة 132 نسقسان استشهدان دس للوف انتوات  افغان سوغلان ايجوران للوف نالكلومترات ال سيدي فرج باش ادران الاستعمار يد اجزائريان اقمان اتارن فتمنغغت اتوحصران تم نسيدي بنور اقمان اشاتن وحدنسان سالاعتراف نقن سالجنرالات نفرنسا.
اعافر انتوات يقم يدجور اوليباد الى اسقس 1962 اتوغان خدمان  ايوودام نيوش امقران خدمان سستر بلا ما ادسان حد بات الان تدجان كل شيء يتوغ اربي ددزير .
ادموان دمقرانان انتقراولة اتوغان جروان اتملاقة تحونا دتدار انتوات اسكرامان دسنت وزال دويتلي دتكرداوين اتوغان اتاونان وزال دسلع غال اوريران يد امقوايان انتوات اتقنان جار الظهرة دتنري غال تم تقلبليت دتشرقيت اتوغان ددباب نالثقة دالامانات اقضعنت  سوفوس انتوات غال امقرانان انتقراولة .
فرنسا باش اتقيم ادزيرتويد النية انوفصال انتري سالظهرة اتوغ اتشلا فتواتباش ادجوران ادس امبصح الشيخ بيوض اولقبيل سومرشيد نزوزي ندزيرانغ ابوي نشبر اسيس .فرنسا تسخدم ايولو ابريدان انوشعال نتفاوت جار ات اغرسان دعرابان اسوفغاد الدعايات امصبح يوش امقران اولتنسيوض.
اوال دزدجرار اولقدي افونعار انتوات تقراولة دتللي ندزير اموني اولجي غير اغلان ايولوا اغرمان الان خدمان عمران دس توات غرسان فوس يد تمنوننت ندزير وس ايسبال امانس يلا وس اسبال ايتليس ادون ايكسب غير باش ادزير اتوي تلليس.

 

رأيك في الموضوع

أرشيف النسخة الورقية

العدد18294

العدد18294

الجمعة 03 جويلية 2020
العدد18293

العدد18293

الأربعاء 01 جويلية 2020
العدد18292

العدد18292

الثلاثاء 30 جوان 2020
العدد18291

العدد18291

الإثنين 29 جوان 2020