تــوقغرسانت د نتقـراولة نــدزير

غرداية: الشيخ باعلي واعمر

امار نتقراولة 1954-1962 الانت يغلب نتوقغرسانين نعرن سالقوة احارب نالاستعمار امبصح تنن غال امارو اولتوسننت ددمانايوا انغ اسمنسانت. اس انسونجم مناوت سسانت.
عبد الكريم موكا امقران نالفوج نالفدائين جار القبة دالرويسو دبلكور اقن سمحراس نات اغرسان اغرم ندزير نت وحدس غرس مناوت نتماطات تواشواتس نعرن الثورة. عبد الكريم غرس وتماس اقارناس موكا سليمة تلولد اغرم نسعيدة الاصلس سوغرم نلقرارة توني توغ تعاون ارجازس اسقارن اسفارن باحمد بن محمد اتوكلف سودموان نتقراولة اوخطط اورزى نالنية نالاستعمار دالمعمرين اخرب نالثروات الانت دزير. يلس نموكا سليمة اقارنس فضيلة اسفارن يلس نباحمد اسفارن الان الاصلس سوغرم نات ازجن توغ تعافر يد ارجازس ابي داود الحاج بكير ايتوغ اخدم جار بشار دتمنغغت اخدم  اقت الكابنية نالبترول نفرنسا يتوغ اساوض الكاميونس  وزال دالتاولات ايالفايدة نمجاهدان.
توني توغ تعاون خالس اسقارن عبد الكريم موكا اموني سوسكرم نسلاح تدارتس دفغولان اموني بلا ما ادسان حد سون الان اضرى امعاون جارس دالثورة.
امحروس موكا عبد الكريم غرس دخ اقت وتماس دخ اقارنس مليكة بنت يوسف توغ ستسادنان الان ندهنت اسوض نوزال دتكرداوين ستم غال تم تضضت اماشي اتوغ تزون المنشورات نتقراولة امدان دوس يومن سوسوفغ نتوامان سدزير. تنن دمناوت الامثلة نتسادنان توقغرسانين انعرنت تقراولة ندزيرالانت يغلب خدمنت بلا ما اجنت اقت لمارت سون اخدمنت اجنت اخدانسنت ايوش امقران انمريم عبد العزيز .باسة عائشة بنت اسماعيل. بافضل فاطمة الزهراء. بافضل شريفة بنت محمد. بن عبد الله مامة بنت علي.

رأيك في الموضوع

أرشيف النسخة الورقية

العدد18217

العدد18217

الأربعاء 01 أفريل 2020
العدد18216

العدد18216

الثلاثاء 31 مارس 2020
العدد18215

العدد18215

الإثنين 30 مارس 2020
العدد18214

العدد18214

الأحد 29 مارس 2020