اتفسك انونكاض انتيني

تغردايت : الشيخ باعلي واعمر

ابدى نيور ناكتوبر اتبدى اتفسكى انوكاض انتيني اغلان بالخصوص تيني نالعولة انتمجوهرت دوتقبالا ادمناو لرهاط اضضنين الان اتوسكرمان الطول نوسقس اماس نتخابيت انغ اماس نتمضمار.
قاع و س يلا الظهرة انغ انشان وضضن اتوط غال وغلان اوحضار اتفسك انونكاض انتيني اغرس اقت تملا وحدس اغلان اموني اسوجروا انقاع نتواشولت امزنان امقرانان تسادنان اتملاقان اش حد غرس اخدامي ارجان  انكاض انتيني دوسوضاس غال تدارت اما تسادنان تدارت لهانت اسوفراز انتيني اكومار ادوماس نتغرغرت اشرى اوحدي ادكرام اما ايلباز ادقضعان ايالهوش يلا اشرى اقضع غال اوصدق.
تفسك انونكاض انتيني اغلان تمونكاز يغلب اسقسنو امدجورا جار تواشولين يلا وس اتج تيني تزدايت ديارن انغ الطول نوسقس يلا وس اتازن اخماس غال الغابة وحدس بلا اقن اوناقا مان تيني اتقم اتوضاباع اجدلاوان انغ ابريد  حفزان غفس مدان بلا ما ادجان تيتي.
ازال انغ القيمة انتيني اولتقيم جار مدان اولسينان الفايدة الان دس دالخير ادجين امزوار ادوين تزدايين دتموتيين ايلمان سوارجلان دتوقورت  ادجورن فدارننسان ديارن باش اضاوضان اغلان عافران ضحان باش ادسلين الجنة الان ادسان انقاع اغرمان الان دالساس نتمدورت امغر امار نالشدة اناف غير تيني دبسون الان تتشراند اماس نتجموين.


 

رأيك في الموضوع

أرشيف النسخة الورقية

العدد18215

العدد18215

الإثنين 30 مارس 2020
العدد18214

العدد18214

الأحد 29 مارس 2020
العدد18213

العدد18213

السبت 28 مارس 2020
العدد18212

العدد18212

الجمعة 27 مارس 2020