يغلاي لباس ويتموقا ذي الدشور

لعوايل انلوراس أبذونت أقلاع نالزيتون ورحانيت ذالزيت

باتنة: لموشي حمزة

ثتواسنت ثمورث انلوراس امقران سيرتو ذي باثنت ذي الوقث نالخريف سموقي نزيث نزيتون اقلا ثتموقا صعصار نزيتون اقلا يتموكيسد سي ثجرين ذي الوقث نالخريف كل أسقاس ذي الوقثاي سيرتو ذي ثمورا نسفيان ذنقاوس اقلا ذيسنت لجناناث نالزيتون طول ثمقرانن واحلان لباس.
 خاطر لموماليث انسن ذفلاحن ذقذيمن وخدمن ثمورث انسن مليح ذيا فثتوتشاسن كل الخير سيرتو الزيتون، اقلا تمجمالنت لعوايل ذي ثموراياي نهنتين ذالدريث انسنت وتكسن الزيتون والشياي يتوسن ذي ثمورث نشاوين زيك يك نقراس التويزة ماني اتكارنت الخلاث زيك نتصبحين وتوجاذنت المكلث اقخدامن اقلا تساند سي مونكل ثمورا ننقاوس انيغ نسفيان وتمعوانن ذقموكس نالزيتون  اقلا زنوزانت سسمونت ثغلاي قلي خاطر اتحبان يوذان اذقن ذي ثبدان واثدوان ومن بعد اثتشن ذي المشتا بغير اذياجذ وتقن ذيس لباس نتغاوسوين اقلا سننايت ام ثيشر وقلي نزروديا وحتى الملح ذالخل ومن بعد سرورسانت وتبدللناس امان.
وألانت لعوايل ثيط اتحبانت اذقنت سيس زيث نزيتون اقلا يغلاي سقاس خاطر الحيز انس يبذو يتموقا ويتورحاي ذي الثرحايث نزيتون ويتراقد يصفا ويحلا يتوسواي ام الدواء، ويحلى مليح الباس انلمراض، سيرتو أسميظ وثزلا نوعديس ويحلى مليح ذي الماكلت انيغ زيك نتصبحيث فالفراغ، إشفا لعباذ سي لباس أنلمراض.
والزيتون أقلى أذتورحيش تقنت الخلاث ذأقمان وأسقنت قلي نتغاوسوين أمالخل أغلى ماني هثخبشنت سخذم وأثقنت ذي ثبدان واستبدالنت أما كل يومين ثلثيام، بشام استموكس ثرزاق ذين أنس، واغلى نيور أمين اذبذونت لخلاث اتكسنتيد أسيس إلماكلت ويزيط لباس سيرتو ذي المشتا.

 

رأيك في الموضوع

أرشيف النسخة الورقية

العدد18217

العدد18217

الأربعاء 01 أفريل 2020
العدد18216

العدد18216

الثلاثاء 31 مارس 2020
العدد18215

العدد18215

الإثنين 30 مارس 2020
العدد18214

العدد18214

الأحد 29 مارس 2020