بشام اذقابلن ايس اسميط نالمشتا

اولي نروط انزيك ذي ثمورث انلوراس امقران

باتنة: حمزة لموشي

سمدعدا اسميط نسوقاس وثرني ثوثا لمطر ذو اذفل ذي ثورث انلوراس امقران سيرتو ذي اقذورارن ان اقلا توسن سسميط ولانت لعوايل نشاوين غنروط انزيك اقلا يزور او يسمط، خاطر نت اقلا يسحماي قلي اخسان نبونادم ويتكس قلي نسميط فلاس بشام اذقاوا اذيرق واذروح اذيخم واذوخر فلمراض نلمشتا اقلا اوعرن لباس.
اثولهنت لعوايل سيرت ثمغران انيك نروط نلمشتا امتقشابين ذيعلاون تملاين وحتى التريكواث نالصوف أقلا توخذامن ذي ثدار سلمسال انيغ سلماشن انلغياط وحتى ثجوباب نالقاطفة ولانت سلباس ذي الفيترناث اتحون نالقش واساغنهنت الخلاث سي مونكل النوع اللون وثاني اروط نالفيزواث اذكالصواث خاطر تفوكان لباس ذي الوقثاي ماني اثتواسن الولايث انباثنت سسميط انس امقران ام تالخنت القصبات اريس اشمول بني فضالة وكل ثمورا انباثنت يتطف ذيسنت اسميط مليح سيرتو بغير اذيوث افل واذقيم ذقذورار ماني ادتلف اسم ان زيك تصبحين انيغ ذي قيط اغلا نالمغرب.
ويشام اذقوان لعباذ قلي اذقابلن المشتا نسقاس اقلا ثعداد وثبذو ثسمرط لباس نيوذاي لازم اذقن لحياط اقماننسن سروط ذالماكلث يحلان وذيس الطاقث تامقرانت امين اتوصان اطبيبن اسناي أقلا اوفين ذي ثسقناثين نسميط ذالحل المشاكل نلمراض نالمشتا وبذون فرقنت فامرضن ناللازم ذالحساسية ذالدريث امزيانن اقلا اغرسنش طول المناعث نلمراض.
ونخس انيني ذقنقارو نتوثليثاي بلي ثمورث انلوراس مثلا ونتاث ثتوسن سروط انزيك اقلا يقيم اقيمرا يدر ويتراقد ذي المناسباث يحلان املفراح اقعلاو انيغ اسميط ذالمشتا اثقشابيين.

 

رأيك في الموضوع

أرشيف النسخة الورقية

العدد18305

العدد18305

الأربعاء 15 جويلية 2020
العدد18304

العدد18304

الثلاثاء 14 جويلية 2020
العدد18303

العدد18303

الإثنين 13 جويلية 2020
العدد18302

العدد18302

الإثنين 13 جويلية 2020