امنزو نسقاس نينار ذي ثمورث انلوراس

العيذ ذمقران واولي نتغاوسوين انزيك اقلا حكانت فوساي

باتنة: حمزة لموشي

يتاسد العيذ انينار كل اسقاس بشام اذيوعا اجزايرين كامل وايشاوين نتاريخ انسنا حقيق اقذيم انزيك اقلا بذون لجيال نميرا تتونث والان هثتون طول لوكان اتقيش الدولت انغ ذالعيذ اجزاير سيرتو ذي اموكان لباس ذي الجزاير اقلا الان اذسيننش ينار، أقلا يتعداد ديما سالخير اذلهنا وانزا ايس مليح أسا ذي القيط، ماني هدنكر فمنزو نسقاس ذمقاز ما يخص ربي انشا الله.

إشاوين غرس اميرا كم ونهنين اتوجاذ اقساي اقلا هذيلي نت ذنقارو ذقسقاس اقذيم وانسفثح ايس اسقاس اجديث اقلا طلبن ذيس اشاوين سي ربي لباس نتغاوسوين امصلاح ذي ثمورث واذيلي اسقاس نالخير واتوث ذيس لمطر واذيرزق ربي ذيس ثمورا ندنيث كامل.
وذي ثغاوسوين نالإحتفال ايس اولي نلعوايل انلوراس امقران غنتغاوسوين انزيك املماكل انيغ اروط انيغ حتى العداث ذالتقاليد انزيك و اتوجاذنت العيذ اقلا والفنت زيك زيك اتقنهنت سيرتو ارشمن اقلا تموقان خطرتين ذاقسقاس.
المرث اللولى بغير اذيق اهيوي ثغماس واسقنت ايرشمن واذزهانت ايس والمرة الثانية ماني هذعدا امنزو نسقاس والعيذ انينار اقلا تقنت سيس لعوايل لباس وتمسرافنت جراثسنت بشام اذسعلمنت ادريث انسنت الفايدة نالعيذاي ومامك انتحتفال ايس ذي ثمورث انلوراس امقران.
سيرتو ثهيويين نمرا اسعلمنهنت مامك اتموقان ايرشمن بشام بغير اذرشلنت اذيلنت اسننت كلشي فلعيذاي، والخلاث اقلا تعاشنت ذي دواور ورعاذ اتقن امزيك ماني اتبادلنت لوماعن اقذمن سيط ذجديذن واتكسن اسلو اقذيم اقلا اتقنت ذي العافيث ومسحنت اقربين انسنت زيك وتصفانهنت بشام اذسمرحبن سنجيو اجديذ اقلا اعز غرسنت مليح واتقنت قلي نلحشيش ذسقف نتدار زهانت ايس بشام اذيلي اسقاس ذزيزاو ويحلا واتوش ثمورث اقلا فلحنت وزرعنت الخير ذمقارن.
وتحتفالنت لعوايل انلوراس سمنزو نسقاس بشام اذسوخرنت فلاسنت الشر وثغاوسوين اقلا اذحلينتش، طول وتقنت امنسي يحلا ام بربوش سقازيط ذالخوضر وعرضنت اعشيرن ذالفاميلت وتمجمالن فتيشت نالمايدة سلفرح ذالخير اذلهنا.

 

رأيك في الموضوع

أرشيف النسخة الورقية

العدد18362

العدد18362

الأربعاء 23 سبتمبر 2020
العدد18361

العدد18361

الثلاثاء 22 سبتمبر 2020
العدد18360

العدد18360

الإثنين 21 سبتمبر 2020
العدد18359

العدد18359

الأحد 20 سبتمبر 2020