ماشتا اطاوين برا فذكن تراجان قي الماشتا وليش افسوين

لامان نتمورث النغ قولاون ان هاروانس

سميرة لخذاري

وسان اذروسن واذيبان اوسم نومترشح اقلان اذييلي في خف نتمورث النغ، يلان اذيهز انزقان ني مواطنن ني غورنجملة، واذيكمل قي سقوريث نالمشروعاث امقرانن اقلان الان اسقاسن اقعدان اويلان اوشين اودم يحلا اي همورث النغ.

اذقيمين اطاوين نالدول اقلان اورخسنش لهنامنداخل نتمورا ني عرابن ذي مسلمن اتراجان ملمي اذكرن امواطنن ذالشعب سد وان ووسم نتبديث اقوذم نالسياسث اقلان اقارن فلاس بلي اورهليش، اراجان ملمي اذيازل ماتاه اقرانياس افسوين ني عرابن، لكين الشعب نتمورث النغم انك انتشنين انخزر او نسالاسن اق بريذن انيغ لاك مانك اقارن اي الوسائل نالاعلام، اهن بعذن اف بريذ نوخلض نالحاث نتمورث النغ، اتحوسن كان اف لهنا اذ لامان، الشياي اقلان اسنيضمن ارقاي ذتقوريث قي كل وقت قي تمدينين انسن انيغ اق قويرا ذي ذورار، اخسن الحرية اذ هيللي ان هارواوين انسن منداخل نتمورث ان لجذوذ، اونيهنين هييذين اقلان الان اتثمنان ارقاي سي لوطن اق سقاسن ازقاغن انيغ ابكانن يلان ضورن دزاير اق غورن جملة.
الهم اقلان اهزيث امواطن ندزاير اق سقاسن ابركانن، ماني الان اقلان اسروحن الواليدن انسن انيغ هاروانسن، او مايلا وليش ويشت ياعزيز فولاون، والدرك امقران نتا همتانت انس في فاسن ان يوماس اقلان هوريث هورث انس.
همورث النغ دزاير ات هوسيد اق مكان مانك اقاريناس»الحزام الناري» ضورن فلاس غير الدول اقلان الشعب انس قي الدرك ذامقران، لكي ناو ماشتا سين العسكر ذالسياسة نتمورث النغ هبد اقوذم ان كل خطوث هخس اتموس لامان، والدليل فالشياي نتا ماتاه يضران قي تقنتورين، انقاروثاي يلان هرني هسعلا قي القيمث نالجيش نتمورث النغ ذوقدي انس اق نطهلي قي همورث ندزاير يلان اتقيم هعزيز اف هاروانس، وانشا اللله اذقيمن اطاوين نالدول اقلان اراجان اق مخولض فذكنت سين، غرما اوفينت لرواح انسن ازاث ني فسوين احلانت قي دزاير ولسش ام افسوين ني عرابن، يلان انقد انيني فلاسن ذالمشتا انيغ الحاشت هيشت اورهحليش، علاخاطراش افسوين اتاويند الورد اذ الالوان احلان وليش اتجدان هاروا ان هيشت نتمورث نقن قي بعضاسن.

رأيك في الموضوع

أرشيف النسخة الورقية

العدد18295

العدد18295

السبت 04 جويلية 2020
العدد18294

العدد18294

الجمعة 03 جويلية 2020
العدد18293

العدد18293

الأربعاء 01 جويلية 2020
العدد18292

العدد18292

الثلاثاء 30 جوان 2020