ماغف لفلام نتمورث انغ بعذن فالتلفزيوناث ني عرابن؟

مانــك اناوض غـر الباعـذ انوثلاي اس ماتا يتخوصانا..

سميرة لخذاري

اريوشين لفلام ندزاير بعذن فالقنوات ني عرابن، ماني اورنتافش لاك ذالفيلم جار نالبرنامج ان لا شا نالتلفزيون ني عرابن، اوذاي اناف انشاذ اقلان يتضور قي خفاون نتا ماغف اروالاي ، او ماني اناف السبث انس، وسيغن سق غور ني عرابن اذ هيزلانسن اورن ان واحصار نالفن نتمورث انغ، انيغ لفلام ني دزيرين اريوشين سدو نالمستوى اقلان يتحوس فلاس الجمهور؟
 نريوش انتدوراي اورن نالسبث يلان نقار ذيس بلي هوثلايث ني دزيرين هوعر، ماني اورتفهنش امواطنن نتمورا ني عرابن، لكين الدا انخزر غر واوالن ان توثلايث انغ سنق ني غورن جملة، اناف بلي لحروف سكل اتوانطاقن مانك نتا قي "الفصحى"، او مايلا الان ووالن هييض بعذن اف تعرابث يلان انقرا ايس، ذاي انيني بلي همسؤوليث ذاي وليش كان سنق ان لعواثق ناهباب نالسينما انيغ التلفزيون، لكين ذاي انيني بلي همسؤوليث هتخوصا كل ويشت يتازال اق اذانن انس اذامن ندزاير..
اق نقارو انيني بلي اقلان يخس اضياوض يلزم فلاس اذيسبعذ سق ايخف انس مانك اخزر غرس اغور ايشت، يلزم فلاس اذيبد اقوذم ني نزقام واذيحتم الثقافث انس اذ واوال انس او اس توثلايث انس، اواي مانك اذيرني اذيسثنعث أي كل ويشت برا نتمورث انغ الثقافث ندزاير،ثاي يلان يختافيث لاباس ني مختصلن ذابريذ ان واغماي نالثقافث نالمغرب، او الشياي اوديوسيش وحذس، لكين اف لحساب نالشي ان واغناي نوغوراي، همورثاي يلان عدانت فلاس الحضاراث خير الله او ادجينت اورناس ماتاه اوريتقدش ايمي انيغ ستيلو اذيني فلاسن.

رأيك في الموضوع

أرشيف النسخة الورقية

العدد18074

العدد18074

الثلاثاء 15 أكتوير 2019
العدد18073

العدد18073

الإثنين 14 أكتوير 2019
العدد18072

العدد18072

الأحد 13 أكتوير 2019
العدد18071

العدد18071

السبت 12 أكتوير 2019