اساحـي غـال اوغـــرم نســدراتن

تغردايت: الشيخ باعلي واعمر

اش تفسوت توات نوارجلان قضعان غال اوغرم نسدراتان الان اتونضال دقد اجدي . اغرم يدجوج اقت 14 كلم غال وداي انوارجلان. الزيارة دقت العادة تدجور دلان تلا اغزر انوغلان اش اغرم غرس اس نوساحي غال اموشان الان اتونضلان دسن الاولياء دالصلاح.
الزيارة اتملاقان دس قاع توات نوغرم نوارجلان امقران ابزان تاوين ادسن انفاش انغ المعروف انتيني ادوغروم ادعزمان القران فمار اتشمران اتوترى اسوتوران سيوش امقران باش اديوي لهناء دالخير يحفظ وارجلان امدناس سلبلاء.
توني دقت المناسبة  نوملاقة نتمجراوت نعزابان يد مدان دوسوض  نومزروي نوغرم نسدراتان دتغرم ادجين امزوار دنعزمان دالعلماء نالدولة نالرستميين  ادسلين اغرم بعد ارولان سوغرم نتيهرت.ا
سمقرانان  اتوغان تدران اسدراتان الشيخ ابي عمار عبد الكافي الشيخ يعقوب الوارجلاني الشيخ يعقوب بن افلح دمناو اضنين.
اغرم نسدراتان اتوبنى جار سن اوريران اورير نالعباد ادوورير نكريمة دنشان ابنان دس اغرم اتوسان ادوسين غال دس يغلب ندباب نالحرفات فنجال انلمان ادوخدام بالخصوص انن ادوسين سوغرم انتيهرت.  
اغرم اكبور نسدراتان اتوخرب اسقس 626 م سوفوس نالميورقي اسقارن بن غانية مان لثار نوغرم زذغ الان اقمان غال اماروا دفر مناو اعافران سوفوس نمسانان باش اتسان اجدي الان يغبر اسدرتان امبصح تغرم نسدرتان اتقم دم تونجمين انمدان.

 

رأيك في الموضوع

أرشيف النسخة الورقية

العدد 17798

العدد 17798

السبت 17 نوفمبر 2018
العدد 17797

العدد 17797

الجمعة 16 نوفمبر 2018
العدد 17796

العدد 17796

الأربعاء 14 نوفمبر 2018
العدد 17795

العدد 17795

الثلاثاء 13 نوفمبر 2018