يتيلي ازد وتمعواننت ذيس الخلاث

أفثـال نبربــــوش ذي ثدار نالعرس نتا ذمزواروا نتحضـيراث نشوايـن ذي لعــــراس

باتنة: لموشي حمزة

بذونت لعوايل انلوراس امقران توجاذنت الفراح هذقنت اسقاس سيرتو ايا اقلا نوان هذقن لعراس قبل يور انرمضان العظيم ويتاسد ذاقمزوارو نوجذن انس افثال نبربوش اقلا لازم اذتوافثل ذي ثدار نوخام اقلا هذقن العرس واتروح يماس نوسلي انيغ انتسليث واتعرض قلي نالخلاث اقلا تيلنتاس واقلا توسننت بلي اسننت فتلنت ابربوش واذمجاملنت ذي ثدارث واذغنانت قلي نيغ اثسغرنت ذالفال وادبيننت بلي نهنتين بذونت ذثغوسوين نالعرس وكل ثمطوث اتق ذغاوس ثيط اذفثلنت وايط اذحمصنت وايط اذقنت اذيوم واذفور.
ولازم فطمطوث لال انتدارث اسنتق لفظور يخلا سيرتو اشخشوخ خاطر ثموسلاي لازم اذحافظنت مليح فالعداث ذالتقاليد انلجدود ومن بعد اذكملنت لفظور اذسراحنت قلي واذولانت اذفثلنت ابربوش لازم اذيلي ذزداذ طول طول خاطر هذموق سكسوم وابربوش نالعرس يتيلي يتوفثال ذالزي طول مشي امو نالعولنت ماني اقتموقا يزو سيرتو كيعاد هذتواتش ذي المشتا.
وبغير ادخلظ الوقث نالقهوة اذحبسنت قلي واذثقهوانت مليح اذولانت افثال ونهنتين حكات مامك هذقنت العرس ومنوهدعرضنت واذولانت غنتحكاين انزيك ومامك اعانت ومامك اخسنت اذعاش اسلان انسنت ذي الخير اذلهنا، وبغير اذكملنت افثال اثفورنت واثحمصنت مليح ومن بعد اسوجذنت ثدارث خصوصي نت بشام اذقار مليح مليح وذي العقل انس ولازم ثدارث ذين اتيلي ثثهوا مليح وذي العادث فتلنت ثشكارث اـ25 كيلو  خاطر ابربوش يتعرام مليح بغير اذطوطبخ سيرتو سكسوم ويتراقد يحلا مليح .

 

رأيك في الموضوع

أرشيف النسخة الورقية

العدد 17980

العدد 17980

الأحد 23 جوان 2019
العدد 17979

العدد 17979

السبت 22 جوان 2019
العدد 17978

العدد 17978

الجمعة 21 جوان 2019
العدد 17977

العدد 17977

الأربعاء 19 جوان 2019