اغــرم انباباسعـد اكـبور تغــردايت

تغردايت : الشيخ باعلي واعمر

اغلان يلا دس يغلب نغرمان امراران دكبار اسشنان بل تم انوغلان اتوغ تعمر اسمدان امازيغان ادقلان غال تعشيرت نزناتة اتنشر قاع تمو انوداي ندزير انادرار دالبيض دالنعامة ادبشار دتغردايت .
سغرمان اكبار الان لجوايه نتغردايت اغرم انباباسعد اديوس ابريد غال تم نتجموين نتغردايت اتوعمر دفر اروال انمدان نوغرم نتغردايت غال ووريرو بعد اصدام نقن العدو فغزر انوغلان يوسد ستم تغربيت.
مدان اولين غال وورير ابنان دس اقت اوغرم دبزان يناض فلسوار دس قاع التاولات نتمدورت انومان ادون اسحقان باش اددران امار الان العدو ازير غفسان سايولوا تموا اولنجم باش اديلي غال اوجانا فنجال نتوعري انورير دالقوة اغرسان.  
المدة نوزير انالعدو اوضان امقرانان ددباب نالراي باش ادسشنان العدو بل يلا غرسان قاع التاولات نتمدورت ادنجمان اطفان دسقسان ابيند الم ابيند دكناس اميس اماس نالزيت اسلي تبجناس غال اوجانا دنج السور يبدى اسشوفوت انفض الزيت سميس .لعدو اسوداي يرقب الام انان بل مدنو يلا غرسان الكفاية نتمدورت ادلمعاش يجبذ امانس لعدو ادول سمان اديوس.
اداي انوورير يلا دس غال اماروا اقت تيرست تشور سالتاولات ادوزال انلعدو اتوغبران دس بعد احرمان امقرانان انتوات ابوي نبسون نمسلمان انغ ايتلنسان سالقوة.
اغرم يلا دس لثار انلسوار انضان فايولو تمو مع مناوت التاولات يلزم فو س يلا احرش نالتراث دالمديرية نضلس نالولاية نتغردايت ادحافظان فوغرم  الان اتاتف تغرم نغزر انوغلان امار الان وس يغس امساح انقاع ابسون  انتوات اغزر انلمزاب.

 

رأيك في الموضوع

أرشيف النسخة الورقية

العدد 17748

العدد 17748

الإثنين 17 سبتمبر 2018
العدد 17747

العدد 17747

الأحد 16 سبتمبر 2018
العدد 17746

العدد 17746

السبت 15 سبتمبر 2018
العدد 17745

العدد 17745

الجمعة 14 سبتمبر 2018