المجاهــد إبراهيــم حمودة

تغردايت: الشيخ باعلي واعمر

ابراهيم حمودة يوسد غال الدنت اسقس 1926 اغرم نتغردايت اويت باباس غال اوغرم نتبسة مان يبدى اعزامس سوفوس نالشيخ العربي التبسي الزاوية سيدي بن سعيد اسقس 1937 اعاود اوط غال وغلان مان يرني اعزامس سوفوس نالحاج ابراهيم دادي واعمر.
اسقس 1943 يبدى الحرفة نالبنيان ادوحفار انترسين يد الاخواليس ات بابكر اسقس 1948 اعاود يولي غال دزير يخدم احرش نتجارة المدة نسمس نسقسن اعاود اوط غال وغلان يرني اخدام انترسين.
يبدى اخدام يد تقراولة ندزير يد رابح لبيض بعد اتعرف اسس يبدى انده اغلان مان يسقبل مناوت تتشال مناوت ترباعين نمجاهدان يوزنتند سي الحواس غال وغلان سسان احمد اجغابة حليللو ابراهيم. اماشي ايتوغ اتنسق
 يد بكير ابو الحسين بن طالب دالقيرع محمد اوستقبل نقن الجيش فتبجننسان الطالبي احمد اديوس اسقس 1961 اوسحرش نالحالة تنري اموني سوسدج نمناوت تيت فالعسكر نفرنسا .حمودة اتوكلف باش ادسكرم الطالبي احمد تدارتس اماس نوغرم نتغردايت.
دفر مناو وسان اولين غال اوغرم نات امليشت مان اتوكشفان توزيران سالعسكر نفرنسا تضرى دس اقت المعركة ايتزعلك يموت دس الطالبي احمد سعيد عبادو اتوجراح انن ادقمان توطفان اما ابراهيم حمودة اتوطاف  الحبس يد سعيد عبادو ادمناو اضضنين ال تمنوننت ندزير اسقس 1962.
بعد تمنوننت يدول غال وخدام انترسين جار اغلان دمناوت الولايات ال تياوي سوش امقران دالامانة اسن 04 مارس 2009.

 

رأيك في الموضوع

أرشيف النسخة الورقية

العدد 17927

العدد 17927

الجمعة 19 أفريل 2019
العدد 17926

العدد 17926

الأربعاء 17 أفريل 2019
العدد 17925

العدد 17925

الثلاثاء 16 أفريل 2019
العدد 17924

العدد 17924

الإثنين 15 أفريل 2019