انعــــــــــزام محمـــــــــد بــــــــــن عمـــــــــــــــــر داودي

وني دقن سمقرانان نغزر انوغلان الان اولتوسان يغلب جار مدان يجد انشانس تمدورت انوغلان سومن نغس اسو انسشان تمدورت  انوني سمزي ال تزعلكتاس، داودي محمد ايلولد اغرم نات بنور اسقس 1926 يموت باباس نت دبزان لاشغرس ايتماس اتورب سوفوس انماماس ايبدى اعزامس اغرم نات بنور اسوحفاظ نالقران الان دشرى امزوار اتولماد اغلان.
تغردايت: الشيخ باعلي واعمر
دفر مناو اسقسان انجم باش ادبي العلوم نالدين دتوتلايت انتعرابت دالفقه  دم دمزوار جار امدتشلاس يغس الماد ادورني غال دسات بعد ومن  يقضع غال لقرارة يوتف المعهد نالحياة يوف قاع انيغس سسلمادان اماس  نقن الجو انوعزام جار مقرانان نالوقتن انالشيخ بيوض ادمناو اضضنين.
يبي يلماد بغلب اغرباز نالحياة اهيل نالاصلاح دوسقم نتمدورت نات اغرسان دوحارب نالجهل دالبدع دالخرافات اتوغنت نشرنت اغلان .
ابو اسحاق اطفيش ايتونفى غال تونس يتوغ اتازند المجلات، ادلكتابات غال لقرارة انالمجلة نالمنهاج دالمجلة نالهداية ادمناوت المجلات اتوغنت تفغنتد مصر ادسوريا . المجلات اتوغنت دقت تيفاوت  اينلمادان رقبان  انلان اضرى تمورا تمسلمين دالعالم .
 محمد داودي اتوسان سوحفاظ ادوبوي فسع اعاش امار انمناو امقرانان دالعلماء انالشيخ ابراهيم داود الشيخ الحاج ايوب قاريدي الشيخ ابراهيم رمضان الشيخ علي يحي معمر الشيخ الناصر المرموري  يلماد اسسان يغلب تمدورتس.
محمد داودي يوري مناو ازلوان تمدورتس اساولان ستيمرين اتوغانت ضرانت امارني انالاستعمار دالحالة نمسلمان اتوغان تدرن دقد اتومان اقت الوقت اتوغان توعر امش .

 

رأيك في الموضوع

أرشيف النسخة الورقية

العدد 17901

العدد 17901

الثلاثاء 19 مارس 2019
العدد 17900

العدد 17900

الإثنين 18 مارس 2019
العدد 17899

العدد 17899

الأحد 17 مارس 2019
العدد 17898

العدد 17898

السبت 16 مارس 2019