ابـاوان انـــــوس انعاشــوراء

الشيخ باعلي واعمر / تغردايت

اس نعاشوراء دقن وس انقاع امسلمان اش حد اسونجم اسس فلحساب انلعوايدس ادونشان ايلا اتدر دس . عاشوراء دقن وس ايبهى اغلان مان مدان نغرمان نغزار نوغلان  اسدران اس فيد مراو نيور نمحرم الان داس ايسمنع يوش امقران  سيدنا موسى سوفوس انفرعون..

قبل مناو وسان نوتاف نيور نمحرم  اناف مدان بالخصوص تسادنان تمقرانين توجدانت اوس انوني مان  مدان اساغان اباوان اوس نعاشوراء مع امودي نوشو دوينيو دقن لمعاش زدغ ادماما الانت اطفنت دس غرس دلان.
غبش انواس نعاشوراء اناف اغولاد اتشاران سبورخس اتشمران اطباسا نباون ادزاقان ابيانو ابيانو قضعان ستدارت غال تدرات حد اتزال احد اباوان  دقت العادة توحديت اسويس دين اسلماد دوستشر نبورخس سودشل دعاون دفكر نوقليل دوسي يحتاج.
اماشي تلعان دخ امسلمان سوتاف نوسقس اجديد اسقس 1439 هجري الان دس نوهاجر انوسر محمد تزاليت غفس دسلام غفس غال المدينة .
عاشوراء دالمناسبة دخ ابورخس اوسينجال تطاوننسان دوحدي  ايالشوف مع اقون نسمورا نات اغرسان انتملحافت اتبورخستين دتشبرين ابورخس مع اززدق انتدار اسلبخور دلفراش اوحدي.
تمجدوين رنينت العبادة سواعظ ادوعزام نالقران  مع اشمر نتوتروين  اوترحم فقاع امسلمان دوزني ننفاش فقليلان دوس لاش غرس قضعان دخ غال اوزوري نمدتشال دتواشولين دوجرو فمارا فالطبسي نوشو دوينيو.
 دقت المناسبة  ايتبهى اوملاقة  دوتشل اماشي اوصى غفس اسرنيوش امقران.

 

رأيك في الموضوع

أرشيف النسخة الورقية

العدد 17751

العدد 17751

السبت 22 سبتمبر 2018
العدد 17750

العدد 17750

الجمعة 21 سبتمبر 2018
العدد 17749

العدد 17749

الثلاثاء 18 سبتمبر 2018
العدد 17748

العدد 17748

الإثنين 17 سبتمبر 2018