الرحمة نيوش امقران

تغردايت: الشيخ باعلي واعمر

  اسبي اقضعان مع وبدى نيور ناكتوبر يوزند رب الرحمتس غال وغلان مان تجناو اوتنت دوحدي مناو وسان يج قاع اغزران ادوين الخيرنسان اجورنت
ترجوين اشوران احوباس نتغردايت دات ازجن دتجننت ادبرقان ادلقرارة .
 الرحمة تمدجاروت ايديوي يوش امقران اغرم نتغردايت اتدقل غال يور ناوت 2009  مان اغزر الامزاب اجور 24 نسوايع مع تشاريت نحوباس  ادوروى نتجموين مدان دكرزان تلعان سالرحمة نيوش امقران .
المدة انتام نسقسان مدان ابدان اتحوسان بالخصوص اكرزان ادوس اخدم تمورت يبدى اتحوسى سترمزي دمونكز انومان مع تقاريت انيغلب نتجموين ادونشاف انترسين ادلعيون انومانا وحديان دوبدي انمناو اكرزان اسوخدام نتمورت ادونكال نغمايان.
اتاف انومان نوسوف غال تجموين دحوباس يج مدان قاع ادفغان غال ايدران نغزر امقران دوبزان تمطوت ادورجاز تلعان اسورقاب نوسوف ايغاب المدة انتام نسقسان بعد ايتوغ اتاسد تتشلت غال سنت تتشال اوسقس.
مساح نوسقس 2008 اسفساد يغلب اغولاد نتجموين نوغرم نتغردايت بالخصوص لمسارف دتصانباض نوزوني نوسوف الان دقن التراث دقد الحماية ناليونسكو مع مدان دخ اغريا نفوس اقلع دوتوس نتسونان دتصانباد يلا وس اسوتور اسبدل انومان نوسوف سوماس نتجموين غال وماس نالواد.

 

رأيك في الموضوع

أرشيف النسخة الورقية

العدد 17494

العدد 17494

السبت 18 نوفمبر 2017
العدد 17493

العدد 17493

الجمعة 17 نوفمبر 2017
العدد 17492

العدد 17492

الأربعاء 15 نوفمبر 2017
العدد 17491

العدد 17491

الثلاثاء 14 نوفمبر 2017