اسونجم نتلاليت انوسر نيوش امقران

اسوانجمان مدان نتمورا تمسلمين اصنط اس انتلاليت انوسر نيوش امقران اسن 12 ربيع الاول هجري.  اس انوني اتفكران دس مدان السيرة نيوش امقران دالاخلاقس دسوضنسان غال امزانان باش ادجورن تشليس .
يلا وس اوض باش ادوت دالعادة نوسدر نالمولود يقار بل اسر نيوش دالصحابة اولسدران اس نتلالتس . اسدر نوس نتلالت نوسر نيوش امقران تزاليت دسلام   غفس دقت العادة توحديت امغر دس الفوايد توحديين  ايمزانان ادوس يوسد غال الدنت دقن وس اتفكران دس السيرة نالرسول دتشليس دبسون اوصى تمدورتس.
دقن وس انوذكارنيوش ادوسراس اتوفضال فقاع الانبياء اماشي الان، اسدر نوس نتلالت نوسر اغلان ايبدى شارد نوسان قبل اموني سواعظ ادووش نالدروس تمجدوين فالسيرة ادلخلاق نالرسول  قاع  تمجدوين اتوجدنت اماننسنت.
تمديت نالمولد مدان اتالين غال تمجيدا تكبورت اجانا نوغرم مان ادحضرن  سلان اعزام نالقصيدة نالبوردة الان دقت سلقصايد اساولان ستمدورت نوسر دالاخلاقس.
اماشي اتملاقانت تواشولين تدار اسونجمان دغنتنين اس نولالي نوسر نيوش امقران اموني سوشعال نشموع تالسان دس تمدورت نوسر نيوش دتمدورت لالاحليمة الان تربى محمد داماشي ادتشر دنوجيل دفر تماتانت نالوالدنس .
اغرم نات ازجن دقن سغرمان الان زدغ اطف دالعادة نوسدر نوس انوني اموني سوسدج نقت العادة لاش المثالس اغرمان  اضضنين  تسناسد قاع تروى نات ازجن سايولوا تمو دغرمان ندزير اموني اسونوض نمزانان اغولاد مع الوالدننسان اتشمران ادسان انار نالزيت اتزالان  فوسرنيوش مان تفسكوين تقمانت ال تزاليت نتنضاس بعدس ادتوصوضاف انفاش اماس نتمجيدا .
اسدر نوس نتلالت نوسر نيوش امقران دقت العادة اسويس دين اسوض نتغسي نوسر غال اولاوان نالوشول دمزانان دقت المناسبة باش مدان ادفكرن دس تمدورت نقن سمقرانان  نالدنت .
تغردايت: الشيخ باعلي واعمر

 

رأيك في الموضوع

أرشيف النسخة الورقية

العدد 17796

العدد 17796

الأربعاء 14 نوفمبر 2018
العدد 17795

العدد 17795

الثلاثاء 13 نوفمبر 2018
العدد 17794

العدد 17794

الإثنين 12 نوفمبر 2018
العدد 17793

العدد 17793

الأحد 11 نوفمبر 2018