اسدر نتفاسكا نينّيار اغلان

تغردايت: الشيخ باعلي واعمر

توات نات اغرسان اسونجمان تفسك نوسقس اجديد نمازغان  اسن سز اناير خلاف تمورا نالمغرب امقران امغر اغلان دس انوقدى انوجرو نالغلة خلاف تمو تضضنتيتن اسونجمان اتاف نوسقس اجديد  نمازغان اسن 12 اناير .
 
ات اغرسان اسدران الفرح انحد وضضن سودتشل دمعاون دوجد نموديتان انوشو  دشخشوخة درفيس. ارفيس الان دقن لمعاش غرس انشان توات نوغلان .
مدان اسونجمان يناير دس نالفرح مان مدان اتمتران سيوش امقران باش ادسوط الخير شكرن النعمتس مان اقارن : مِي يُوتَفْ يَنَّارْ أُولْدِيقِيمْ أُورَارْ لَكَانْ ألَّايْ إِغُورَارْ دُوصَّافَّا نِينُورَارْ.
اسونجم نوس انوني ادقل غال وسعى نوجليد نمازيغان شاشناق فومقران انمصر سختمي مدان نتموار نفريقيا نوجنا اسونجمان اتاف نوسقس اجديد سالخير ادوجمو نتكرزت باش اديلي اسقس نالغلة امغر بكري مدان اتوغان تدران غير سالغلة ادكلينت تجموين اولجي انماروا الخير يغلب  .
تدشلوين اندهت احرش نضلس اتسادجانت اجرون دتفاسكوين سومعاون يد اسقمو اولين نتمازغت سوسدر نمناوت لعوايد اتوغنت اغلان بالخصوص اماروا مع احبو نتغرم دالتكتولوجيا لعوايد ابدانت دجورنت قضعنت مع الوقت.
المناسبة انتوني تعاودنت دس تدشلوين اسونجم نوس انوني اموني سدملاقة يد امكارس دمزانان اوسولغ امزروي انغ التاريخ نمازغان داماشي اسدران امزوار وسان نناير دلعوايد نوغلان.

 

رأيك في الموضوع

أرشيف النسخة الورقية

العدد 17794

العدد 17794

الإثنين 12 نوفمبر 2018
العدد 17793

العدد 17793

الأحد 11 نوفمبر 2018
العدد 17792

العدد 17792

السبت 10 نوفمبر 2018
العدد 17791

العدد 17791

الجمعة 09 نوفمبر 2018