لعوايـل انلوراس أمقـران ذي دواويـر إقمـيرا سذفايــــن سـي إيسغـارن

باتنة :لموشي حمزة

ورعان لباس نتمورا ذي الجزاير اهنتخلظش الغاز، سيرتو ذي الدواور امزيان واقلا بعذن وذي إقذورار قطان ثغاوسوين انسن سيرتو ثيا اقلا اتموقان سلعافيث امحماي انيغ انيني نتغاوسيون املماكت فلوح ني سيطا اقلا تبينت سيرتو ثجرين اقلا اموثنت وقورنت،خاطر اتبينهنت قلي قلي وجملنهنت واتشعالن ذيسنت العافيث واسرغاين.
إقميرا ورعان لباس انلعوايل ذي لوراس أمقران ذي باثنت أذخنشلة اذ أم البواقي، وحتى ذي قالمة، أي قلا أتعاشن ذي الدواور بعذن لباس فالمدين أسثفاين أيماننسن ذي المشتياي سي إيسغارن انتجرين، أمرباع ذي باثنت، سيرتو ماني إقوثا أذفل لباس و النوّث، وقفلن إبريذن او ذتقوانش أذروحن وادواين ثقرعاثين نالغاز.
إبين المشتا نسقاس أقلا يوسد يسمط لباس ذي الدواور أنباثنت بلي لباس أنلعوايل أسحمايت غماننست سي إيسغارن، ماني إغننانت قلي أنلعوايل بلي لعوام إقعدان ألانت أسرغاينت ستقرعاثين نالغاز بصح أسقاس كيعاد قفل إيبريذن ولانت اتعاشنت أمزيك وتراقن قلعند  إيسغارن امبعد سعداينت ثدار وأشعلنت العافيث بشام أذطبخن واذحمان،والمشكلاي يلا خاطر ورعان الغاز أهنتخليظش سيرتو ماني إتيلنت ذي إقمكان أهوان لباس انيغ علان لباس الشياي يصعب بشام أسخلدن ثقصبين نالغاز غرسنت.
وكيعاد حتى إيسطا يبزق انيغ يسمط أثتشعالش ذيس العافيث لهيه ليه، لازم أثسعدان زيك وأثغطان مليح بشام أسموكس اسميط واذيقار مليح بشام بغير أثشعل أذيرغ ليه ليه، لعوايل آي طلبنت سي المسؤولين بشام  آوصلناسن الغاز بشام أذثهنانت سغ أزقوم آي  يخس ذيغ آنبذو  أنيغ ذي المشتا أقلا أتسوفرانت بوها.

 

رأيك في الموضوع

أرشيف النسخة الورقية

العدد 17799

العدد 17799

الأحد 18 نوفمبر 2018
العدد 17798

العدد 17798

السبت 17 نوفمبر 2018
العدد 17797

العدد 17797

الجمعة 16 نوفمبر 2018
العدد 17796

العدد 17796

الأربعاء 14 نوفمبر 2018