لماكلت انزيراوي ذي لوراس امقران

البنث تامقرانت ويتموقا ذي لفراح وتضيافن ايس انجيون واعزيزن نوول

باتنة: لموشي حمزة

سقلا لوراس امقران ونت تواسن سلباس نتغاوسوين اقلا اهنتتافذش حتى ذقمكان يشيت سي الجزاير سيرتو لوماكل انزيك اقلا ولانت اشتاهرنت ذي لبلاد انغ وتموقانت غير ذي المناسباث يحلان وتوقدامنت غير اقنجيون اعزيزن.
ويتاسد الزيراوي نشاوين نت ذامزوارو نلماكل انلفراح ذلعراس اقلا يتموقا ذي ثمورث اباثنت او وليش اخام اقلا اذسينش مامك اقتومقا زيراوي انيغ اثتقش طول، وفلجال نشياي يتاسد ايوراي ذيور نمارس اقلا يبتو ذيس الربيع سلشهار اقلا تفاقت لعوايل انلوراس غنلوماكل انزيك سيرتو بغير ادعدا اسقاس سالخير ذلمطر اذلهنا.
 ونحضر ذقخام نالحاجة بلعيدة اقلا ثقا زيرواي سغروم انقارو ماني اتسوم مليح وثويد ارن ذاوراغ يحلا وثرنياس قيتش نالملح ذالزيث وثقا سامان وثخذمين امين اخدمنت اغروم نالمكلت واغلا ماني اتسوم ثطفيث سفاسن انس وثهرسيث قلي قلي ام اشخشوخ ومن بعد ثويد قيتش نالدهان نفوناس و وثرنياس الغرس بعد ما ثصفاث مليح وثرحاث بشام اديرق يزيط مليح وثخلطيهن مليح وثقيهن ذي ثقاميلت وثسرسيهن زنق الطابونة وثنقساس طول بشام اذفسين مليح .
ومن بعد ثويد اشخشوخ اقلا ثقيث سقغروم اقلا ثهرسيث ومن بعد ثخلط كلشي وثدجا ثشخشوخث اتسو مليحالدهان ذ الغرس ومن بعد  ثطفيهن سفوس انس وتخلاط مليح مليح بغير اذسو اشخشوخ الدهان واذعدا ذي الغرس ومن بعد اتسرس قلي واتولى غرس بعد الزمان ماني اتيلي ثوجذ قلي نالجوز انيغ اللوز كل حد مامك اثتحبا واتسرس ذي السحن واتزين مليح واترني اتسرس ايذس اغي انيغ اللبن كل حد مامك اقخس واتسرس فطابلة اقنجيون انيغ ادريث نوخام انس وغرس البنا اترقاش وها اثيتش اذولى ديما يتحبا اثيتش.
لوماكلاي تشاخنت فتاريخ انلرواس انزيكاو ورعان الخلاث ثمقرانين اسعلامنت ثقيارن نالوقثاي بشام اخدمنت زيراوي خاطر نت سي الترث ولعوايد انزيك اقلا لازم انحافظ فلاسنت امين اغنتا الحاجة بلعيدة.

 

رأيك في الموضوع

أرشيف النسخة الورقية

العدد 17800

العدد 17800

الثلاثاء 20 نوفمبر 2018
العدد 17799

العدد 17799

الأحد 18 نوفمبر 2018
العدد 17798

العدد 17798

السبت 17 نوفمبر 2018
العدد 17797

العدد 17797

الجمعة 16 نوفمبر 2018