يــور نوزومــي اغــلان

الشيخ: باعلي واعمر تغردايت

يغلب انمدان فرنان اوط سالتل غال وغلان يور نوزومي جار مدننسان دتواتنسان اماس نقن الجو  ايبهى انشان وضضن.
تمجدوين اتشارنت اسمدان اتقمنت رزمنت الطول انضدجيض مان اعزام نالقران اولتبدي قاع يور نوزومي. اماشي رنين اواعظان دالدروس ادوذكار نيوش امقران فوسان اضضنين ازومي اغلان دس اقت تملى اولتنتيف اموشان اضضنين .
اعزابان ديروان دمصوردى رنين اعافر اجار فتغوس انوعزام نالقران دوزوني نالمعروف مع اواعظ دتزاليت نالتراويح دوترى نيوش امقران باش ادسوط الخير دلمان دورزان فقاع مدان.
اماشى اناف اعزام نالقران يدجور اولى تدار دقت العادة سبكري الان اطفان دس مدان دقن ودسيل دخ  باش امزانان ادقمان دم اطفان دووال نيوش امقران ادوبريد نمزوار بالخصوص لكنغ اقت الوقت الان يوعر امش المانداه انوحبو نالتولات نوسلهي انلفزيون سالقنواتس مع الانترنت دالتاولات تضضنتين الانت هلكنت الحالة اسباعدانت مدان سوبريد نيوش امقران.
سبسون اوحديان دخ يور نوزومي اغلان دين اجرو نتواشولين دمدتشال ضدجيض فالكاس نلتاي الان اجرو مدان اش حد دالنيتس دقنا يور الان اتقان جار اولاون مدان دقلان غال بعضهم سومسماح دفكر الاخرة دون اوصى غفس اسر نيوش امقران محمد تزاليت دسلام غفس.

 

رأيك في الموضوع

أرشيف النسخة الورقية

العدد 17796

العدد 17796

الأربعاء 14 نوفمبر 2018
العدد 17795

العدد 17795

الثلاثاء 13 نوفمبر 2018
العدد 17794

العدد 17794

الإثنين 12 نوفمبر 2018
العدد 17793

العدد 17793

الأحد 11 نوفمبر 2018