العيد ازعلوك اغلان

الشيخ باعلي واعمر: تغردايت

اسونجم نالعيد ازعلوك اغلان غرس اقت تمل وحدس لاش اموشان اضضنين سومن اناف قاع ات اغرسان اتمنان ايالعيد باش ادوطان غال وغلان .
العيد ايبدى دفر تزاليت نغبش اموني اقضاع انمدان يد ترونسان غال الزيارة  انلمقابر قبل ما ادحمى الحال اوعزام نالقران فمنت دقاع امسلمان مع ازون  ننفاش اماس نالمقبرة اموني سوفس نعزابان اجبان فلحبوس ادلمور نتمجيدا.
 بعد اختام المقبرة مدان ادبدان اتالين غال تمجيدا سوكبر دسبح نيوش امقران  اني الان دوحدي اغلان امار نالعيد دين اجروا نتواشولين فمار اوزوري ادونوض دقت العادة توحديت بالخصوص امزانان باش اطفان دلعوايد نات اغرسان.
الميزة توحديت الان اغلان دخ دين اوفوغ نرجازن الزيارة غبش امار الانت  تسدنات تدار اوستقبل ننجوان مع دالقت نوخلاط يد نرجازن اماس نغولاد.
يلا وس اقدى انوض غبش يلا وس اتج  الزيارة غال تمديت  انغ غال وش اما تسدنان بدانت انوض دالزيارة مع وقدى نتمديت دجار تسمسين دتنضاس امار الان اغولاد فران سرجازن دالغاشي .
المناسبة نالعيد دقت المناسبة نوملاقة نتواشولين دمدتشال اتاسند سايولو اغرمانندزير ادوزغار اتملاقان فمارا امار نوغجار دومنسي ادورقاب نبعضهم مع اسون نمزانان بعضهم دقت المناسبة دخ باش اديلي دس امسماح دغافر جار اوتان دلجواري دمدتشال .

 

رأيك في الموضوع

أرشيف النسخة الورقية

العدد 18533

العدد 18533

الثلاثاء 13 أفريل 2021
العدد 18532

العدد 18532

الإثنين 12 أفريل 2021
العدد 18531

العدد 18531

الأحد 11 أفريل 2021
العدد 18530

العدد 18530

السبت 10 أفريل 2021