ساعة تجلي مع بداية البسملة
حاسس بلفحة برد وحبة أمل
سهران اناجي بكلام رب العباد
مستني انول منها لحظة رضا
نفسي اشوف كل لحظاتك ايمان
بطلت أخاف م الموت زي زمان
عاوز اشوف فيكي حلم الشباب
ويعلي صوتك زي الطيور مغردة
عاوز اشوف معاك شمس عمري
ويحرم علينا الخيانة والخداع
يا قلب طاهر كفايا حزن ووداع
يا واحة خجل بالسكوت متلجمة
يا عطر امي وريحة زهور الحبايب
متخفيش م الدنيا ليكي الف نايب
اوعي تعودي تاني لضلمة عزلتك
يا روح الجمال والنصر كيدا العدا
قومي معايا هاتي افراح رحلتك
افردي ياااا حلوة ريشك الناعس
يلا ارفعي راسك يا تاج العفاف
بيكي عمري جاي معني ومبتدي
