سدول يرسو الحال اغلان بالخصوص وسان نتفسوت وسان نفورهت انغ العطلة مان اغلان ير ارقب اقن ونداه ايزعم مع اوطن مدان سايولو تمو ندزير اوزوري نتغرم الان تم نغزر نلمزاب.
القلت نلمان ايوت اغلان اسقسن اقضعن يج الحالة تموت بالخصوص الاقتصاد دتجارة الان دالساس نتمدورت نمدان احوسان يغلب يلا وس يرجل تورس اسبدل التجارتس غال التل يلا وس يقم اغلان يصبر ال دفرج يوش امقران مان ادباب ازنوزون الحرفات نوفوس انزرابة دتشابرين دالفخار دبسون نتزق ابدان خدمان دولان غال وسان انبكري .
الفصل نتفسوت دقن الفصل اتمناناس يغلب نمدان فنجال الجو اوحدي اولجي صماد اولجي يحمى مان مدان اتسافارن اتفورهوتان بالخصوص تم نوغلان الان دقت تم اتوسان جار امورا نالدنت تم نتغرم .
اماشي اناف دخ ادباب نتكرزت ددباب اخدمان ابريد جار اغلان دالتل دولان غال وسان ايبهان مع دخ ادباب اندهان احرش نوفورهت دسنسوتان اتوغان رجلن تورنسان اماروا الحل ابدل يلزم غفسان ادشكرن يوش امقران سالنعمة نلهناء ادلمان.
