اش اسقس الولاية نتغردايت تسونجام اس نالزربية اموني اسوحضار انيغلب ندباب نالحرفات اتاسان سايولو تمو ندزير اوسشني نالزرابة اغرسان اش تم غرس الخصوصياتس.
الزربية انوغلان دقت الزربية الان غرس انشان ادزير ادوزغار اتوخدام سضوضان نتمطوت الان اتبداع الصنعتو اغرس دلان تمورت انوغلان.
امزوار اقارن الصنعة نوفوس تيف ايتلي نالوالدين .امغر ايتلي ادقضع اتقم الصنعة نوفوس انتها اتنفع ابنادم تمدورتس .
الصنعة نوزط امارو اغلان تدجور اتقضع بالخصوص جار تمكراس اسيبانت اوزط ادوخدام نزرابة اولجي انبكري ادقا غال يغلب لسباب اجينت الصنعتو اتمضى اتقضع يد ادباس . تمطات تمقرانين اتوغانت حرصنت فوسلماد نالصنعة نوفوس اتمزانين باش اطفنت امغر ازمان اولتومين تمطوت متقيم وحدس بلا ارجاز يد ترواس دنوجيلان لاش اشرى اتنفع غير الصنعة نفوسس اتاف بات اتش تنتها دترواس .
اونقير بل الصنعة تقضع اماشي تلا الانت زذغ تدار دس تمطات خدمنت ازط دزرابة ادمناو لرهاط نسوشى دتقاشبيين دتشبرين ادمناو ابسون اضضنين الان دالاصل انوغلان.
