تم ابهان نوفورهت الولاية نتغردايت اتوسان سالحماماتس اقارناس زلفانة تدجوج سوغرم نتغردايت اقت ستين كلم، تمي اتوسان سبكري سومان احمان دتجموين توغ دنشان نوفورهت انمدان بالخصوص توات اقضعن غال دس اوسقضع انواس دقد تداقين دجدي املال.
دفر مناو اسقسان تبدى اتشارى اسمدان اتاسان سمناوت تمو اوعمار ادوخدام بدان ادباب نريال اسنماران ايتلنسان اخدام نسنسوتان دالحمامات دتحونا نيش دالتاولات نتمدورت بعد اتوغ دس الحمام اقن نالدولة.
اماشي اناف مناو توات ابدان اسنمر نويتلنسان احرش نوفورهت دتكرزت اطفان مناوت تمورا نكلان دسنت تزدايت اديغلب نلرهاط انتداقين مع ارب نالهوش مع ابنى انتدار نوفورهات ايالفايدة انتوات.
امان نوغرم انزلفانة غرس اقت الميزة لاش انشان وضضن امانس احمان تاوضان ال خمس واربعين نالدرجات مع الكثرة نالمعادن ادس اداوان يغلب نطانان انالروماتيزم دطانان انوجليم ديزوران فنجال نالكلور دالصوديوم الان امانس.
زلفانة تستقبل لجواية 300 الف انمدان اوسقس اتاسنسد سايولو الولايات دتمورا انوزغار يلا وس اقصد اوداوى يلا وس اتاسد غير اوفورهت دوحوس تنري ادورقاب نتغرم الان اغزر انلمزاب