مع وتاف نيور نونفذو ادبدانت تواشولين اغزر انلمزاب اتوجدنت اماننسنت اوعمار غال الغابة ادوروال سوماس نوغرم دالحمان الان يوعر اقمي دس امار نونفذو،امزانان دمقرانان اتافان اماننسان اماس نالغابة ادوزو مع الوجد انومان انترسين ادلحواش الان اسمونكوزان الحالة نالحمان.
اما امزانان اسقضعان اسسنسان اماس نتجموين ادلغوابي اوعومي اماس انلمجل امان دصمادان اتالين سوماس انتيرست،اما وس لاشغرس غال مان ادقضع الدولة تبنى مناو لمجل دزعلاك جار النمرات دمتليلي دالضاية دقن ونشان نوملاقة انيغلب انبورخس اتاسان سمناوت تمو.
يغلب نتدشلوين انالكشافة اتبرمجان اش انفذو مناو الخرجات ايالفايدة نمزانان اقضعان غال لغوابي دزوغار انوغلان تاونتان غال زلفانة انغ غال مناو اغرمان ايدران البحر مان اسقضعان وسان سوفوس انمناو ادموان الان اسجوران الرحلة لمدان دس الاخلاق دالتربية.
يلا وس اسقضع وسان نونفذو التربص انوحفاظ نالقران المدة انيور انيضان اداجار سجك ادولان غال وعزام.يلا وس اقضغ غال تحونا نالوالدنس التل اوخدام دسقضع وسان نونفذو جار تحنوت ادلبحر دوحوس .