ضني في لحباب مايخيب**
راجل وفي ظهري رجالا
يسقسو عني لوكان نغيب**
نمدح فرسان الخيالا
الحيط لي بنيتو مايريب**
مانخالط من والا
الرجلة ما تتعد بالجيب**
على النيف رانا قتالا
عشرة النية بصدق تطيب**
دنيا بايامها راهي دالا
خاب من كان معانا ذيب**
يقرا صلاحو واحنا لا لا
تعيا من راسك ياخويا تشيب**
ولي في قلبك خرجت ڨبالا
اوزن كلامك لا تخرج عيب**
لخبر يجيبوه الناس التوالا
الدنيا طويلة تدي وتجيب**
غدارة بأيامها راهي بدالا
لي يمشي بالنية لناس احبيب**
على لصحاب رانا ڨوالا
الدنيا افعال ماينفع انسيب**
لاولد العم ولا ولد الخالا