يا لي الدنيا مشيبة راسو
احكي لي على فراش قبرك
يا ناسي ربي راه عساسو
شهد واستغفر وارجع لعقلك
من فرش قبرو يطيب نعاسو
يوم النهوض الافعال تفكك
خلي لي خير ربي داسو
لا يعجبك تبهريجو لا يغرك
ربي خلقنا كل هاو قياسو
مليح ما عطاك الله يقنعك
عف هم الدنيا وحساسو
راه زايل وابليس يغرك
قبرك بالصدقه متن ساسو
الحمد والشكر تزيد ترفعك
غاليين بالهف غدوه يبخاسو
من فعالهم الله لا يسمعك
هرج الدنيا كثر دواسو
والعبد ضعيف اش نقلك
يا منجي يونس من دماسو
ارزقنا القناعه من فضلك
سعد من باليمنه قدم قرطاسو
ينال رضاك وشفاعه نبي