اغرم اكبور انبابا سعد تغردايت يوسد اوفوغ نوغرم نتغردايت غال تم نالغابة . اغرمو رولان غال دس ات اغرسان نوغرم نتغردايت بعد اصدام نقن العدو يوسد ستم تغربيت انوداي اولين غال وريرو ايولي يغلب يوعر فالعدو باش ادصدم غفس ابنان اقن الصور يناض فايولو تمو مع مناو اعساسان ايدران اوعسي فون انلان اضرى اداي.
اماسان اقارن بل العدو اقم ازير اغرمو ديارن اولنجم باش اديالي غال اوجانا اعاود ادول سماني اديوس.
اغرم اقمد دس غير الصور الان ازجناس يمرارة مع مناو نتصاوير دتيرى امناو لحروف تونقشان اماس نضغاغان اسشن تكبوري نوغرمو اداماشي مدان اتوغان تدران .
اسقس 1927 اوض اقن سمقرانان نالاثار جون سفاري غال تمويو ايوف يغلب نبسون اكبار اغرم نباباسعد ادلثار انتيرى انتفناغ ارنين مناو اماسان اجزائرين بعداس ابراس اغلان اوفين الكلال دالقلات دبسون اتوغان مدان اسخدمان تمدورتنسان.
ادقم فودموان نضلس دمقرانان نالاثار انوغلان ادحرشان ادجان اقن وهيل اورى دوحافظ فلثار نوغرم انباباسعد الان اتوهمال اتوسفسد اتومساح يوفوس انمدان دالطبيعة . وني دمزروي انغ التاريخ نات اغرسان دالتاريخ ندزير يلزم ابدي ادوحفاظ نومزروي انوغلان.
تغردايت: الشيخ باعلي واعمر حوزتنا نسخة صوتية من هذه الاشادة وسننشرها لاحقا بإذن الله . وعادل مزاب لازال مناضلا مناصرا لفنه رغم تواجده في ديار الغربة مدرسا لأبناء الجالية المزابية بفرنسا القرآن و مبادئ الثقافة الأمازيغية
