اقدى نيور ناكتوبر ناش اسقس اتوسونجم اقت العادة ايتبهى اغزر نوغلان دين العادة نولاي سالغابة غال اوغرم ،اسبي اقضعان وطيغ غال وغلان مان ملاقيغ يد يغلب نتبورخساتين اقننت المفتول دتمالحافت اموني اغولاد نوغرم نتغردايت الان زدغ مدان اطفان دالعادة ادجين امزوار غرس دلان.
العادة نولاي دين امار نوثضاع نمدان سالغابة غال اوغرم اماشي ايلا دخ العادة نوعمار سوغرم غال الغابة اموني يور نجوان ناش اسقس . بكري توغان مدان عمرن اغرم قضعان غال الغابة اوخدام نتمورت دتكرزت دوجباذ نومان سترسين اس اماشي ايلا يعني ال تمديت قبل ما اديوض ضدجيض اتوغان تدرن اقن امار لاش لمان مان امزوار تالسان اقارن بل الاي نمدان سالغابة غال اوغرم توغان تقلعان تورى نتدارت تاوينتان ادسان مع كل بيلا شرى الان غرس ازال ال انفذوا ادعاودان اتنارن ادسان غال الغابة اوسقضع نوسان نونفدوا.
لعوايد انتنن اسشنانت الاصل نبنادم دالشخصيت نوقغرسان اغرس اقن اومزروي انغ التاريخ تمورت ايلا اعمر دس اولجي انحد وضضن الان اسيب اكل بيلا اشرى يدولد يجمض لاش غرس اقن الاصل انغ امزروي تمدورتس .
انقضع انرقب مدان ناليابان التكنولوجية اغرسان قاع امني زذغ الان اطفان دلعوايدنسان دون ادجين امزوار مان العالم قاع اقرى مدنو دتغرم اغرسان لازم انكون انن نطف دتغرم ندجور مع الوقت بلا ما انت لعوايد نمزوار الان دالساس نات اغرسان الدنت.
